Jisálamu 74:9 - O Mikanda Ikola

⁹ Ki bhuala dingi ijimbuete ietu, kana-bhu dingi musèsedi; kana muthu mu dietu uejiia o uíndua iú, mba ua kà suka bhebhi.

Jisálamu 74:9 Iomraidhean Croise

Makatukilu 12:13

O manhinga-phe ma kale kijimbuete ku jinzo joso mu mualʼenu; o ki ngi mona manhinga ngi mi somboka, kana dibhebhu di mi tula enu mu ku mi buidisa, kioso ki ngi kuama o ixi ia Ijitu.

Kuditenda 2:9

Imabhitu iê ia lundumuka bhoxi, ii ia di lâmbela koxiʼa mavu ku ia lundumukina; o jisabhi jê muene ua ji bukujula ni jitalanga jê; ni sobha iê ni ilamba iê, iá nanga kiá muʼaxaxi ka ifuẋi iengi, mua bhingi ki muene dingi kitumu mba kubazela; o muenhomo jipolofeta jê, ki ji kala dingi ni lumono lua Jihova, lémbue.

Izekiiele 20:12

Nga a bhana ue o jisabhalu jami, mbé ji kale kijimbuete bhu kaxi kami ni ene; phala a tene kuijiia kuila emiʼeme ngi Jihova ngi tena ku a zelesa.

Izekiiele 7:26

Kua kʼèza uíndua mu uíndua, anga kua kà balumuka kilungutu mu kilungutu; kienhokio-phe a kà sota polofeta phala ku a tangela kisukila, maji o nganga katé ni kitumu kia kà mu jimba muene lalá, o adiakime a lémbua o kaiula.

Amoji 8:11

Jihova Nzambi ua tange, uixi: Tala-ze, izuua i iza, nga-nda ku mi tumikisa nzala mu ngongo; ki nzala ia kudia kúdia, mba dinhota dia kunua menha, maji nzala ia kuívua maka ma Jihova.

Mikeia 3:6

Uila kiki, hádia ku mʼiza usuku, phala upolofeta ubhue-ku, kuiza kuvunda phala ni kuzambula ki kua kà kala-ku dingi; jipolofeta jiji dikumbi dia kà a vundila, o muanha ua kà biluka kitombe kiedi muene buí.

Mikeia 3:7

Akua lumono lua kumona ima kiluua imoneka, sonhi ja kà a kuata; o akua kuzambula a kà tandanganha; xi, ene oso muene a kà jika ku makanu, mukonda kua Jihova Nzambi ki ku tundu njimbu ioso-ioso.

Jihebeleu 2:4

Nzambi ue mbangi iâ, kuma ua a bhana kubhanga isumua ni madiuanu, ni jinguzu javulu, ni mauhete ma Nzumbi Ikôla, kioso kia mu kala mu vondadi iê.

Afundixi 6:17

Muene anga u mu ambela, uixi: Se nga sange kiadi bhu mesu mé, ngi bhane kijimbuete kuila eie muene u Jihova ua-lu zuela ni eme.

I Samuuele 3:1

Mona Samuuele anga u kala mu xibhidila Jihova bhu pholo ia Eli. Kizuelu kia Jihova ki kia vudile ku kʼivua mu izuuʼomo; kana-ku ue kisukila kia di monekena jinga luavulu.