Jisálamu 73:9 - O Mikanda Ikola

⁹ Dikanu diâ dʼila kala diala kuzuelela ku diulu; o dimi diâ di nama kunu mu ngongo.

Jisálamu 73:9 Iomraidhean Croise

II Malunda 32:15

Kiki-phe Ezekiia ka mi tobhese, mba uenda ni ku mi funhisa kieneʼokio, mba enu ue mu mu xikana, mukonda kanaku nzambi ia ixi ioso-ioso mba utuminu uoso-uoso, ia tenene kiá o ku kudila mundu uê bhu lukuaku luami mba bhu lukuaku lua jitata jami; kuambe dingi enu o Nzambi ienu ua-nda kutena ku mi bhulula bhu lukuaku luami?

Jobe 21:14

Eneʼâ-phe, ene muene ambela Nzambi, kuila: Tunda bhu mbandu ietu! Mbata o jinjila jé, ki tua bhindamena ku jiʼjiia.

Jisálamu 52:4

Maka a kudia akuenu ene a beta ku ku uabhela, eie u dimi dia kimi, di tanga mangonha!

Makatukilu 5:2

Kuala Falaó-phe: Jihova nanhi muene, phala eme ngi mu ivue dízui, ni ngehe Izalaiele? Eme, Jihova ki nga mu ijiia; kia mukuâ dingi, Nga ditunu kueha Izalaiele.

Daniiele 3:15

Kiki-phe, hé kia mi tetulukila kiá, enu muala kiá polondo, kioso ki mu ívua mbimbi ia buzina, ni ia mbèndu, ni ia kakoxi, ni ia mbànza, ni ia kisanji, ni ia ngaieta ia jiphukila, ni maxikile oso a kuxika, anga mu diunda hé mu bheza o kiteka ki nga iudika, kiauabha! O ki muila, nguenu ku ki bheza, mu kithangana kienhokio muene, a-nda ku mi takuila mu kijiku kia túbhia tua muzukuta; Nzambi kuxi-phe ua-nda kutena o ku mi kudila bhu lukuaku luami?

Daniiele 7:25

Muene-phe ua kà tanga isunji, mu kulebhula Suke-ku, ua kà buikisa athuʼê angene akôla a Suke-ku, mu kubhindamena kulungulula o jithembu ni kitumu; o athuʼê angene a Jihova a kà a bhakula bhu lukualu luê katé ki tenena o thembu, ni jithembu, ni kaxaxi ka thembu.

Luka 18:4

Kithangana kiavulu muene, ka xikina ku mu ívua. Maji o ku pholo-phe kueza kunu, uamba ni muẋima uê, uixi: Sumbala ki ngala ni uôma ua Nzambi, o muthu ue ki ngi mu xila.

Tiiaku 3:6

O dimi, tubhia. Diene ubheka uê, diala ni nzungule ia usuéia! Dia tambula kididi mu idiandu ietu ioso, hé di kasanesa o mukutu uetu uoso, o dimi dienhidi! Dia di bhange mukuâ ni tubhia tua mu tunda mu infernu, diene di ta o mukutu uetu uoso mu mulengu.

Dijingunuinu 13:6

Muène anga u jikula o dikanu diê mu kutanga isunji kua Nzambi, u ẋonguena dijina diê, u lebhula katé ni kididi mua tunga Nzambi, ni ene oso kia ene mu diulu.