Jisálamu 73:3 - O Mikanda Ikola

³ Kuma phata ia ngi kuatele ia iá abhumu, mukonda dia kumona o isuéia kubhanduluka.

Jisálamu 73:3 Iomraidhean Croise

Jobe 12:6

Mu jinzu ja iá a bhanga phulu, u sanga muala muene kutululuka (paze); o ió oso a lokalala Nzambi, u sanga a kondama muene kiambote; Nzambi ioso u a tudila-iu bhu maku mâ.

Jobe 17:8

O athu a iuka, kiki kia kà a bhekela kudiuana; ni ió ua kambe o kikuma ua kà zangumuka mu kuzoka ni mukua mangonha.

Jobe 21:7

Mukonda diahi, athu a ibha, a kola muenhu, a kuka muene, anga a kala dingi kota mu kutena?

Jobe 24:23

O Nzambi kia a bhana kunhoha, ene-phe a dielela kiá ngó kienhókio; o mesu ma Nzambi phe ia a talela mu jinjila jâ.

Jisálamu 10:5

Mu jinjila jê joso uenda ni kuzediua izuua ioso; o kubatula kua eie, u Nzambi, kua mu kala dikanga bhulu, ki kua mu bhiti ngó ku mesuʼê; oso a sota ku mu fudisa, muene u njona, u xikulula.

Jisálamu 37:1

Ku kale mu jiphata mukonda dia iá a bhanga kiaiibha; kuile uixi a lunguʼá akua kubhanga phulu,

Jisálamu 37:7

Niohena kua Jihova, u mu kinge kimuanu; kana kulalama mukonda dia ió uedi kala ua mu zediuila mu njila iê iengi, u xinganeka jindunge jaiibha, anga uia muene ni ku ji bhanga.

Jisabhu 23:17

Muẋima ué ki u kale ni dixinga dia akua ituxi; inda kumbi dioso dia kambamba suua ngó kuxila Jihova.

Jisabhu 24:1

Ku kale ni dixinga dia akua-phulu, kuinde ue kukala-nâ bhuamoxi.

Jisabhu 3:31

Ku kale ni luimbi lua kiiala kia hame; kana ku sola hoka iosoioso ia tokala ku mauendelu mê.

Ndongixi 7:15

Ima iosuʼiii nga i mono mu kithangana kia izuua ia muenhu uami: kuila sai-ku muthu ua iuka, o kuiuka kuê ku mu dia anga u fuila mu kuiuka kué, ni muthu ua ibha u laia muene izuua ia vulu mu ku ibha kuê, sumbala muene uaiibha kidi.

Jelemiia 12:1

Eie, U Jihova, u lungʼé, né-mbe ngedile ngi bokona nʼeie mu kufunda; hanji-phe u ngi zuelesa ku mabatuilu Phalahi isuéia a kala ni kubhanduluka mu njila iâ, anga a laia ni kutululuka, ió oso a bhanga kiaiibha ni usuangi?

Malakiia 3:15

O kiki-phe tua mono kuma akua izala a beta kuzediua; ni ió abhukumuka, a beta kutunga ni kumona; xi, ene ela a lokalala Jihova, a laia muene, ki kuizé kima.

Tiiaku 4:5

Inga mua fika kuma o Madivulu Makôla ma ki zuela ngoho, kuila: Nzumbiʼoio, a mu ta Nzambi moxi dietu, ua tu indi ni difuba.