Jisálamu 73:2 - O Mikanda Ikola

² Eme-phe kua ngi xedi ngó kuxia mu njila; makànda mami mandekele kiá kuẋangumuka.

Jisálamu 73:2 Iomraidhean Croise

I Malunda 22:7

Davidi anga uambela Solomá, uixi: Monʼami, tata, eme bhabha, kia ngi kexile ku muẋima o kutunga inzo phala o dijina dia Jihova, Nzambi iami.

Jobe 12:5

Mu ixinganeku ia muthu ualʼê kiambote, kubhindama phala muene ki kima; o ió ua teketa kiá inama, muene hanji a mu lundula.

Jobe 21:4

Manhi eme nga mu di tenda ku muthu uoso-uoso? Né hanji kiene ki kia kexile, muenhu uami u kamba kiebhi ku kala ni dilamba?

Jisálamu 116:8

Kuma eie Jihova, ua ngi kudila o muenhu uami mu bòmbo dia kalunga, ua ngi kondona o masoxi mu mesu, ua fudisa o inama iami kuẋangumuka, mbé ki ngi di bhale.

Jisálamu 17:15

Eme-phe nginda ngi mona pholo ié ni kulúnga; muẋima u ngi zela, hinu ki ngi phaphumuka, mu kutala o kidifanganu kié.

Jisálamu 17:5

Makànda mami ma kuata mu ikoka ié, o inama iami ki i dianguka, kana.

Jisálamu 35:13

Ene-phe kia kexe mu kata, eme ngi zuata kidinhaji; ngi di bhinjika muene ni kujila o kúdia; ngi kala mu samba ni mútue uabhetama.

Jisálamu 38:16

Nga ku ambela, Ngana, ngixi: Ngʼivue, phala enhó ka kale mu ku ngi uaua. Anga a beta dingi kuzangalala, kia ngi mona nga xangumuka.

Jisálamu 5:7

Maji eme-phe, mu kudielela o henda ié iavulu kinéne, ngala ni disesa dia kubokona monzo ié; ngi bhixila ni uoma mu ta pholo bhoxi bhu kanga dia Tembulu ié ikôla.

Jisálamu 94:18

Nga ki ambele kiá, ngixi: Eme nga ẋangumukʼó; eie-phe u Jihova, mu henda ié, ua ngi kambuila, ki nga di bhale.

Jisabhu 5:14

Sumbala mu ku zanga kuoso mundu muene ua kexi ku ngi jinguluka, ngi kala muene bhu kionge.

Josuué 24:15

Maji-phe, se kia mi ibhila ku mesu menu o kubhikila Jihova, leluʼidi-phe Solenu kiá uoso mua fuama o ku mu bhikila: se muedi mu xingidisa o mahamba a xingidisa jinga o jitata jenu kia kexi mu sámbua dia ngiji ia Ufalate, mba-phe mu xingidisa o mahamba ma akua Mamodi avu o ixi iii mu mua tungʼumu, enu kiá! Maji eme-phe ni dibhata diami, tu bhikila Jihova.

I Samuuele 12:23

Eme bhabha ue, ki ngi tena kukala ngi muthu uengi, ni ngi te kituxi kua Jihova mu kuzumbuka ku mi sambela. Eme ngenda jinga muene ni ku mi longa mu njila iauabha, ia kuiuka.

I Samuuele 2:9

Muene u langa inama ia athuʼê abhu o ituxi; o a ta ituxi-phe u a bheka muʼalunga mua vundu, anga muenhomo a di xibha muene hudi! kuma nguzu ki iene i lendesa muthu nʼa tundu akuâ.