Jisálamu 72:6 - O Mikanda Ikola

⁶ Muene a tule kala mvula i noka mu dikèla, mukuâ ni isanga i tekela o mikáu.

Jisálamu 72:6 Iomraidhean Croise

II Samuuele 23:4

U kala mukuâ ni kuma kúkia, ki kala mu tunda o dikumbi, mu kimene kia kambe o matuta; mukua ni iangu iauisu i sabhuluka mu ngongo kitua o muanha ua zele, kuila mvula ia tundu mu kunoka.

Jisálamu 65:10

U bhitisa menha mu jimbondongolo jê, u sokelesa kiambote o mibhanga; u i ombamesa ni mvula ni isanga, ni dibesá dié, i kuata kusabhuka.

Jisabhu 16:15

Pholo ia Muenexi se i ku tala ni ngalasa, eie u bonga muenhu; o kiadi kiê, mukua ni dituta dia mvula ia isanga bhu kasamanu.

Jisabhu 19:12

Sobha, o ki muiza kutema, mukua ni muzonga ua hoji ia munzangala; o ki muiza kubhanga mbote, mukua ni dimume di tula ku kisasa.

Izaía 5:6

Ngi di bilula kikangalakata; ki bhua-nda kukala dingi ku di sola jithangu; ku di tela ue mavu bhu ixina, kana dingi; inda mu sabhuke kiá isasa ni misonge ia minha; ngʼa mbela ue matuta, phala ka noke dingi mvula ku thandu diê.

Hozeia 6:3

Jihova-phe tu mu ijiie, tuende ni kujijila jinga ku mu ijiia; mukonda iú uiza, o kuxindumuka kuê mukuâ ni ukielu ua kizuua; ua-nda ku tu zungila mukuâ ni mvula, kala mvula ia isanga i kaiela ku mvula ia kudinji, ienda ni kutekela oxi.

Mikeia 5:6

Ene anga a kà buidisa oxi ia Asídia ni xibhata, kumoxi ni ixi ia Nimilode katé ni bhu mabokuenu mê. Bheneʼobho anga muene ua kà tu kudila bhu maku ma Asídia, kioso kia kʼèza mu ixi ietu mu ku i lua, ni ku diota mu jimbambe jetu.

Matendelelu 32:2

Ulongelu uami-ème mvula inoka, mbundu isuma, mbambe ni masumi-sumi ma mvula ku thandu a mafe, kifua dimume di tula ku iẋoka.