Jisálamu 72:3 - O Mikanda Ikola

³ Ku milundu ku tunde kutululuka phala o mundu, ni ku mikáu ku kale o kutunga ni kusoma, mukonda dia ufundixilu ua kidi u tunda ku tumilundu tuofele.

Jisálamu 72:3 Iomraidhean Croise

Jisálamu 65:12

Isonoka ni mu iangu mu dila ibhaku; tuthuthùlundu tu kemba ku mbandu joso.

Jisálamu 72:16

Mu ngongo mu kale nzungule ia masa katé ni ku thandu dia milundu; ixina iê i kale mu lokosa kala muxitu ua Libano; athu mu jimbonge joso a kale mu fuafua kala iangu mu mukáu.

Izaía 45:8

Mvula inoke, mbundu i sume, o kidi kize ni kusuka kala mbundu; oxi i jikuke, ubhulukilu uende ni kusabhuka kiá, kuiuka kuende ni kuima bhuamoxi ni ubhulukilu; eme ngi Jihova, nga a bhange.

Izaía 52:7

Inama iê kuuabha kuahi, ku milundu kuná, ia ió ueza kutula njimbu ia kubhanduluka, ni kuivisa kioso ki bhulukisa muthu; ueza kuambela Ziione kuila: Nzambi ié muene uala ku ungana!

Izaía 60:17

Bhu kididi kia kobidi nga kèza ni ulu, bhu kididi kia felu eme nga kà bheka phalata, bhu kididi kia mabaia a miẋi ngôndo, bhu kididi kia matadi felu; jifixiiadi jé ngi ji bhangesa kukala akua-uembu, o atuminiʼé ngʼa bhanga akua kidi.

Daniiele 9:24

Mundu ué ni diembu dié diangene a a xindila makuinhi sambuadi a jisemana, mbé o kujima kitondalu, ni kuzubha-ku o ituxi, ni kuta o kiamenga kia kulamba o kikuma, anga a mi bhekela kiua o kulunga kuxialelà-ku, o isuma ni upolofeta anga a i jika kiá ni idimbu, anga a unda kiá o Dilemba dia anangene, uene ni kuzela kua tundu athu oso.

Jouele 3:18

Kieneʼokio-phe milundu ia kà zunzumuka vinhu ia ubhe, tu thuthulundu tua kà bhubha lete, jingiji joso mua Juda ja kèzala menha, mʼonzo ia Jihova mua kà di bhanga otho ia menha, a kungulukila mu dikôlo dia Xitime.