Jisálamu 72:2 - O Mikanda Ikola

² Phala muene a fundise o mundu ué ni utuminu ua kidi, a batule kiambote o milonga ia jingadiama.

Jisálamu 72:2 Iomraidhean Croise

II Samuuele 23:3

Nzambi ia Izalaiele ua zuela ditadi dia Izalaiele muene ua ngʼambela: muthu u tumina athu mu uiukilu uê, ió u tumina mu uoma ua Nzambi,

I Jisobha 10:9

Jihova, Nzambi ié, ataneku! Ió ua ku uabhela eie, iu ua ku solo phala ku ku tula ku kiandu kia Izalaiele; mukonda Ngana ua zola Izalaiele ni ku hádia ni hádia, kiene kia mubhangesa ku ku bhanga sobha, nda u bhange kia mu uabhela muene ni kubatula milonga ni kuiuka.

I Jisobha 3:28

Izalaiele ioso anga evua o kubatula kuku kua batula muenexi, anga a kala ni uoma ua muenexi; kuma a mu mono ni kuijiia kua Nzambi kuala naku, mu kutungula ni kubatula o kidi.

I Malunda 29:19

O Solomá dia monʼ ami, mu bhane muẋima ua tenena, phala aluke o ijila iê, ni maumbangi mê, ni itumu iê; ni kubhanga ioso, ni kutunga o dizemba didi di nga mu lungila o ima ioso íii.

Jobe 34:19

Kuambe dingi ió kene ni kubhanga katungu ka uthu ua ilamba, mba mvuama u beta ku mu bhana ujitu, o jingadiama nʼa kala ndenge; kuma enʼoso kikalakalu kia maku mê.

Jisálamu 12:5

Mukonda-phe dia ngadiama a mu tatesa, mukonda dia kukema kua phulungu a mu bondeleka, ngi balumuka kiá, eme Jihova; ngi mu bhaka bhua kondama a mu tobhesa kiki.

Jisabhu 29:14

Sobha, u kuata kufindisa o jingadiama mu kidi, kiandu kiê ua ki phaphe muene, kinangenena katé ku hádia.

Izaía 32:1

Talesenu, kua-nda kukala sobha ua kà hinga unganga ua kuiuka, o ilamba iê ia kà tumina mu kidi ni kutetuluka.

Izaía 32:17

O ibundu ia kuiuka ia kà kala kutululuka; o ukalakelu ua kuiuka o kunhoha ni ku kondama mu thembu joso.

Izaía 9:7

O kukula kua ulamba uenhú, ki kuene mbambe; o kutululuka kuê ki kuene kúbhua; ua tulama bhu kiandu kia Davidi ni ku usobha uê, phala ku u kuatesa bhu kididi, ni ku u fikidila mu kutetuluka ni mu uiukilu, tunde kiki katé ku hádia ni hádia; o muanu ua Jihova dia Ilômbo Ieta uene ua-nda ku bhanga kienhiki.

Jelemiia 33:15

Mu izuua ienhoio ni mu kithangana kienhokio ngi bhangesa kuila kua Davidi kusabhuka Luthangu lua Ubhe lua kulunga, muene anga ua kà fundisa mu kidi ni kuiuka mu ngongo.

Izekiiele 34:16

Ioso ia jimbila ngi i kenga, o ia di texi ngiza na-iu dingi, o ia bukula kinama ngi i tá mu kitanda, o ia kate ngi i tumba; maji o ia nete, ni iii ia vulu o nguzu ngi i jimisa o mbutu; kuma nga-nda ku jʼinga ni kilunji.

Dijingunuinu 19:11

Anga ngi mona diulu dia jikuka. Ngedi ngi tala, kua moneka kabalu kazela, o ua xikama-ku a mu ixana Fiiele, a mu ixana Kidi. Muène u fundisa mu kidi, u lua ita mu uiukilu uê.