Jisálamu 72:10 - O Mikanda Ikola

¹⁰ Jisobha ja Talxixi ni mu ikolo a kà mu bhana o lubhaku; o jisobha ja Xeba ni Saba ja kà mu bhekela maujitu.

Jisálamu 72:10 Iomraidhean Croise

Dimatekenu 10:7

Anʼa Kuxi enhá: Seba, Havila, Sabata, Lahama, Sabateka; anʼa Lahama enhá: Seba ni Dedane.

I Jisobha 10:1

Anga Na Mvuale ia Sabá kievu o fuma ia Solomá ni kutumbula dijina dia Jihova uiza ku mu lolela mu ifika.

I Jisobha 10:10

Anga u bhana kua sobha hama ni makuinhʼaiadi a talendu ja ulu, ni ndumba dia ima ia mazumba ia kutoua, ni matadiʼa te kiavulu. Nuka kuejile ima ia mazumba ia kutoua ia ndumba, kala ia bhele Na Mvale ia Sabá kua sobha Solomá.

I Jisobha 10:2

Anga u bhixila mu Jeluzaleme ueza ni kifuxi kia dikota; ni jikamelo kua longo ima ia kutoua ia mazumba, ni ulu ua nzungule, ni matadi a te kiavulu; hé uiza kua Solomá anga u mu zuelela ioso ia mu kexile ku muẋima uê

I Jisobha 10:25

Anga athu oso a kuata ku mu bhekela muthu ni muthu ni ujitu uê ua itutu ia phalata ni itutu ia ulu, ni izuatu, ni ibhakatu, ni ima ia mazumba ia kutoua, ni jikabalu ni jimula. Anga a kuata kubhanga kienhiki muvu ni muvu.

II Malunda 9:21

Mukonda kiʼaia jinga jinaviiu ja sobha ku Talsu ni jingunza ja Hilamu, eza jinga ni jinaviiu lumoxi ku mivu itatu a bheka ulu ni phalata, ni mazuʼa nzamba, ni jihima, ni jipavá.

Estere 10:1

Kia zubha kubhita imʼii, muenexi Asuuelu anga ubhinjika mundu kuzonga dijimu, ni mu ixi ioso, ni mu ikolo ia kalunga.

Jisálamu 45:12

Kilumba, mukua Tilo, u mu mone kia-nda kuiza ku ku bhakuila maujitu; o jimonhi ja makota ku mundu, ji ku dionda ku a suua.

Jisálamu 68:29

Mukonda dia Tembulu ié mu Jeluzaleme, jisobha jenda ni ku ku bhakuila dingi o maujitu.

Jisálamu 68:30

Bazela, Ngana, o kiama kiókio kia suamena mu dibu, o jindumbe ni jingalote ku mundu ua matumbu, u titidile bhoxi o itadi iâ ia phalata; a muange muene, kifuxi kioso kiala ni vondadi ia ita.

Izaía 42:10

Imbilenu Jihova mukumbi uobhe, o diximanu diê diende muene ni ku tokomoka tundé kua suku oxi; teketenu enu ue mua mu kuendela ku thanduʼa kalunga mu jinaviiu ni ima ioso iene-mu, nʼenu ue mu ikolo ni oso a tunga-mu.

Izaía 42:4

O muene ka kà fula, ka kà mu tolojola katé kia bheka o uiukilu mu ngongo; o ikolo ia kà kingila o ulongelu uê.

Izaía 43:3

Mbata eme-muene Jihova Nzambi ié, Dilemba Dikola dia Izalaiele, Mubhuludi uê; nga bhana Ijitu mu ku kukula, ni Itiiópia ni Seba, bhu kididi kiê.

Izaía 43:6

Ngambela mbandu ia suku, ngixi: Bhana! Anga ngambela mbandu ia sulu ngixi: Kana ku a bhaka; ngi bhekedienu anʼami a mala ene dikanga; ni anʼami a ahatu ene kua suku oxi.

Izaía 49:7

Jihova, Mubhuludi ua Izalaiele, Dilemba diê Ukôla, uambela muthu uoso a mu buangidika, a mu zemba kuala o mundu, o mubhika ua atumini, uixi: Muenhó a-nda ku mu balumukina bhu iandu kuala o jisobha, kia mu mona, ni ilamba uê, anga a kà diunda bhu pholo iê, mukonda dia henda ia Jihova, mukua kitongola, Dilemba Dikola dia Izalaiele, muthu ua ku tungula (ua ku sola).

Izaía 60:3

Ni akua-jixi joso a kèndela ku mukengeji ué, o jisobha ue ja kèndela mu kubenha kua ku muikina.

Izaía 60:6

A-nda ku kuizalesa ni jikamelu; ni jikamelu ji tunda ku Midiiane ni ku Efa, bhuila bulukutu mvengete; ene oso a kà tunda ku Seba; a-nda kubheka ulu ni uasu ua mazumba; anga a fumanesa o diximanu dia Jihova.

Izaía 60:9

Ni kidi kiene, o ikolo ia kà ngi xikamena, jinaviio ja Talxixi jene ja kà tuama, phala kuiza kuxila dijina dia Jihova, Nzambi ié, ni kua Dilemba Dikola dia Izalaiele, mukonda muene ua ku jingisa.

Matesu 2:11

Anga a bokona mʼonzo, hé a sanga kamona ni Madiia mamʼâ; anga adibhala, hé a mu sambela. O kuila a jikula mu imbamba iâ, a mu bhanga ujitu, ni ulu, ni uasu ua dizumba ua libana, ni uamukuá ua sumuna; a mu bhana.