Jisálamu 72:1 - O Mikanda Ikola

¹ O muenexi mu bhane kutongoloka kué, Ngana Nzambi, o thungunu ue mu bhane o kutetuluka kué.

Jisálamu 72:1 Iomraidhean Croise

II Samuuele 23:3

Nzambi ia Izalaiele ua zuela ditadi dia Izalaiele muene ua ngʼambela: muthu u tumina athu mu uiukilu uê, ió u tumina mu uoma ua Nzambi,

I Jisobha 1:39

Nganga Zadoko hé u tunda ni lumbinga lua maji lua katula mu Balaka, anga unda Solomá ku ʼungana, hé a xika o koloneta, o mundu uoso akala mu kola, exi: Sobha Solomá a laie, a kole o muenhu.

I Jisobha 3:9

O ki ngalʼiki, Ngana, ngi bhane, ngi mubhikʼé, muẋima ua kutongoloka mu kufúndisa o mundu ué, phala ni unjimu uoso, ngi tene kutungula kia kidi ni kia makutu; kuma nanhi ua kambe unjimu, u ki tena, kia kufudisa o mundu ué uavulu kiki?

I Malunda 18:14

Davidi hé ukala mu tumina o Izalaiele ioso; ukala mu kufundisa ni kubhanga mbote ku mundu uê uoso.

I Malunda 22:9

Tala-ze, o mona ua-nda ku mu vuala, ua kà kala diiala dia tululuka; mbata nga kà mu bhana o kunhoha ku jinguma jê joso, jala mu jimbandu jaʼxi iê; mu kienhiki, Solomá, diene dia kà kala o dijina diê; ni uembu, ni kunhoha, nga-nda ku ku bhana Izalaiele mu izuua iê.

I Malunda 29:19

O Solomá dia monʼ ami, mu bhane muẋima ua tenena, phala aluke o ijila iê, ni maumbangi mê, ni itumu iê; ni kubhanga ioso, ni kutunga o dizemba didi di nga mu lungila o ima ioso íii.

II Malunda 1:10

Ngi bhane-phe kindala o kuijiia ni unjimu, mbé ngi tene kutunda ni kubokona, mu kaẋi ka mundu iú; mbata nanhi muene u tena kufundisa mundu ua vulu kiki?

Jisálamu 127:1

Jihova se ua kambe kutunga dibhata, a tala ngó hadi oso a di tunga; Jihova se ua kambe kulanga mbonge, mulangidi né ua tono, lémbue.

Izaía 11:2

Anga o nzumbi ia Jihova ia kà mu tula ku thandu diê, iene o nzumbi ia unjimu ni kutetuluka, nzumbi ia phangu ni ndongo, ifikidila muthu, iene nzumbi i bhekela muthu o kuijiia ni kukala ni uoma ua Jihova.

Nzuá 3:34

Uoso a mu tumu kuala Nzambi, u zuela maka ma Nzambi, kuma muène kia mu bhe o Nzumbi, Nzambi ka mu bhana Nzumbi ni ku i zonga.