Jisálamu 71:6 - O Mikanda Ikola

⁶ Kokué kuene ku nga xamenena, tunde mu ku ngi vuala; eie ua ngi katula muʼvumu dia mamʼetu; ngi ku tumbula mu ku ku ximana jinga muene sé kufula.

Jisálamu 71:6 Iomraidhean Croise

Jisálamu 22:11

Kana ku ngi kala dikanga, kuma kubhondalala kua ngʼiza bhua zukama, o u ngi kudila dingi, ka moneka.

Jisálamu 34:1

Ngi benzela Jihova mu thembu joso; diximanu diê di kala jinga mu kanu diami.

Jisálamu 40:4

U lúnga o muthu ió u dielela kua Jihova, u fula kukaiela akua izala, ka di te ni iá a dianguka ni makutu.

Jisálamu 71:14

Eme, bhabha-phe, ngi dielela jinga kokué sé kufula, ngi ku ximana jinga muene ngi tona, kizuua ni kizuua.

Jisabhu 8:17

Nga zola oso a ngi zola, a di meneka mu ku ngi sota a ngi sanga muene.

Izaía 49:1

Ngʼivienu, mu ikolo, enu mu athu muene ku makanga batekelenu: Jihova ua ngʼixana hanji kioso ki ngala mu mala, eme hanji mu divumu dia manhiʼetu, muene-phe ua tumbula kiá o dijina diami.

Izaía 49:5

Kiki-phe, Jihova, ua ngʼumbile ki ngala hanji mu mala, phala kukala selevende iê, uixi: Ngi bhekele dingi Jakobo, uize-nê bhabha; maji o Izalaiele-phe ka diehela ku mu bhongolola; maji-phe bhu pholo ia Nzambi a kà ngi jingisa, Nzambi iami muene uà kala nguzu iami.

Jelemiia 1:5

Kioso ngoho kiluua ngi kʼumba mu vumu dia mamʼenu, eme nga kuʼijiia kiá, kioso ue kiluua ngó u tunda mu vumu nga ku lumbu kiá; nga ku bhana ku akua jixi kukala u musesedi uâ.

Jelemiia 3:4

Ki ualʼiki, ua lembua ngó katé bhu ueza-bha, o ku di tenda kokuami, kuamba: Tata iami! Eie u musonguedi uami, tua tunduʼdi undenge?

Ngalásia 1:15

Maji bhu kithangana-phe kioso kia solo Nzambi, ua ngi tungula tundé mu divumu dia mamʼ etu, iú ua ngʼ ixana mu kiadi kiê phala ku mu bhikila.

Efezo 5:20

Muila ni kusakidila jinga ima ioso kua Nzambi, muène Tata, mu dijina dia Ngana ietu Jezú Kristu.