Jisálamu 71:21 - O Mikanda Ikola

²¹ Ua ngi bandekeza dingi o kijingo, ua tona dingi ku ngi konda o malamba.

Jisálamu 71:21 Iomraidhean Croise

II Samuuele 3:1

Anga ku kala muene ita ia thembu iavulu, bhu kaẋi ka dibhata dia Saúlo ni dibhata dia Davidi; o nguzu ia Davidi anga iia ni ku di bandekeza, maji o ia dibhata dia Saúlo-phe iia ni kutebhunuka.

Jisálamu 18:35

Ua ngi bhana ue o ngubu ia ubhulukilu ué; ngʼemana mukonda lukuaku lué lua ngi kuata; o ku dʼivua ni eie kuene kua ngi bhana kijingo.

Jisálamu 23:4

Né-mbe ngi bhita mu dikôlo dia kitombe kia kalunga, ki ngi kala ni uoma ua kima kiaiibha, mukonda eie uala ngi bheka; ni mbangala ié ni dikoue dié, ene a ngi bhuisa hele.

Jisálamu 32:10

Abhukumuka a kala ni malamba avulu; ua dielela Jihova-phe, henda iê i mu konda mbandu ni mbandu.

Jisálamu 72:11

Katé ni jisobha joso ji diunda bhu pholo iê; ilômbo ia miji ioso i kala mu mu bhikila muene.

Jisálamu 86:17

Ng, idikize kijimbuete kia mbote i ua-nda ku ngi bhanga, phala oso a ngi zembe-ó a ki mone, a kale ni jisonhi. Mukonda eie u Jihova ua ngi kuatekesa, eie ua ngi kondo o malamba.

Izaía 12:1

Mu kizuua kiná, eie ua kà kumbulula, kuamba: Jihova, nga ku sakidila, tata, mukonda, sumbala ua ngi kuatelele njinda, leluʼidi njinda ié iabhu, uala kiá ku ngi konda malamba.

Izaía 49:13

Imbenu, mu maúlu, eie ue u ixi, sanguluka; enu mu milundu tenu nzôngo ia kutana, kuma Jihova lelu ua tululula o povo iê, jihukunhu jê ua ji lendukila.

Izaía 49:6

Muene uambe dingi: O kukala ngó u selevende iami, phala kubhangulula ibuka ia Jakobo, ni ku ngi bhekela dingi o masubhu ma Izalaiele, ki kia soko; maji nga ku xikika, nʼu kale u Mukengeji ua akua-matumbu; ua a bhekela kubhuluka, katé ku maẋokololo aʼxi.

Izaía 9:7

O kukula kua ulamba uenhú, ki kuene mbambe; o kutululuka kuê ki kuene kúbhua; ua tulama bhu kiandu kia Davidi ni ku usobha uê, phala ku u kuatesa bhu kididi, ni ku u fikidila mu kutetuluka ni mu uiukilu, tunde kiki katé ku hádia ni hádia; o muanu ua Jihova dia Ilômbo Ieta uene ua-nda ku bhanga kienhiki.

II Kolindo 2:14

Maji Ngana Nzambi, a tane-ku! Mokonda, mu kudiongeka kuetu ni Kristu, Nzambi uene mu ku tu endesa jinga mukuâ ni athu a a kutila ku mukalatata mu kubhana o kikoue kia Kristu. Mukuâ ni ki muanganena mu ididi ioso o dizumba dia maji a mbote, kiene ue Nzambi kia mu bhanga ni etu mbé Kristu a tene ku mu ijiia kuala oso.

II Kolindo 7:13

Mukonda dia kiki tua suina dingi. O ku thandu dia kutululuka kuku ku tua tambula, kua di te o kutana dingi kiavulu mukonda dia ngalasa ia Tito. Kuma enu oso mua mu kuatekesa mu ku mu nhohesa o muẋima.

II Kolindo 7:6

Kiene kimoxi Nzambi mukua kutululukisa oso a bhondalala, ua tu bhana kutululuka mu kuiza kua Tito.

I Tesalonika 3:9

O kiki ngʼila kiebhi mu kusakidila Nzambi kala kia tokala mukonda dienu, mukonda dia ngalasa ioso i tua mi tanena bhu pholo ia Nzambi ietu!

Dijingunuinu 11:15

Anju ia kasambuadi anga u xika o koloneta iê. Hé kukala mazui a makota mu diulu, exi: Kiki o Utuminu ua jixi mu ngongo, ua biluka Utuminu ua Ngana ietu, ni ua Kristu iê. Muène kiá ua kà tumina katé ku hàdia ni hàdia!