Jisálamu 71:14 - O Mikanda Ikola

¹⁴ Eme, bhabha-phe, ngi dielela jinga kokué sé kufula, ngi ku ximana jinga muene ngi tona, kizuua ni kizuua.

Jisálamu 71:14 Iomraidhean Croise

Jobe 13:15

Né-mbe muene u ngi jibha, hanji nga kinga kua muene; sumbala kiene, maji jinjila jami ngi ji zokela kua muene.

Jisálamu 130:7

Dielela kua Jihova, u Izalaiele, kuma kua Jihova sai-ku jihenda ni kulenduka; kua muene kuala ue kubhanduluka kua vula matelu.

Jisálamu 43:5

Ua bhuidila-hi muẋima uami? Ua zôndela-hi moxi diami? Dielela kua Nzambi, kuma hinu ngi mu ximana dingi. Mbata muene o kusangumuka kua pholo iami, muene Nzambi iami.

Jisálamu 71:6

Kokué kuene ku nga xamenena, tunde mu ku ngi vuala; eie ua ngi katula muʼvumu dia mamʼetu; ngi ku tumbula mu ku ku ximana jinga muene sé kufula.

Kuditenda 3:21

Maji eme-phe, ngala kuila o ki ngi lembalala kima kiná, nguzu iza dingi.

Kuditenda 3:24

Jihova muene kimanga kiami, kiene kiambe o muenhu uami; uila kiki ngiia ni ku mu dielela muene.

Kuditenda 3:25

Jihova muthu ua mbote phala ió oso a mu nhenganana muene, mbé o muthu uoso u mu bhindamena.

Kuditenda 3:26

Kima kiambote o ku kala ni kudielela, ni kuxibhidila sé jibuia o kubhuluka ku tunda kua Jihova.

Filipe 1:9

Mu musambu uami nga bhingi-phe kiki: Kuma o henda ienu i vule dingi kinéne, mbé mu kale ni kuijiia, mu kale ni kilunji kia tongoloka,

I Tesalonika 4:10

Kiene ki mua mu londekesa ku mbandu joso kuila mua di zolo muene ni jiphange joso ku Masedonia. Tua mi tangela-phe, jiphange, phala mu vule ku ki bhanga jinga.

Jihebeleu 10:35

Uila kiki, o kubhua uôma ku muala na-ku, ki mu ku ehe, mbata sai ni dilau diê dia dikota.

I Phetele 1:13

Uila kiki, kalenu polondo. Mu kilunji di kutienu inhonga, mu kale ku mesu a zele, mu suime ni kudielela o kiadi kia kà mi bhekela, bhuoso bhu tukulukila Jezú Kristu.

II Phetele 3:18

Endenu-phe ni kukula mu kiadi dia Ngana ietu, Mubhuludi, Jezú Kristu, ni mu kuijiia kuê. O fuma i kale iê-muene, ni kiki, ni ku hádia ni hádia! Amén.

I Nzuá 3:3

Muthu uoso-phe mua Kristu u kuata kudielela kiki, ki bhinga u di zelesa kala kia zele muène Kristu.