Jisálamu 7:9 - O Mikanda Ikola

⁹ Mukua phulu, Ngana, mu lembuese o phulu iê; maji mukua kidi-phe mu kuatese bhu kididi, a tunge a some; mukonda eie u Nzambi ia kidi, u mukua kutungula o ilunji ni mixima.

Jisálamu 7:9 Iomraidhean Croise

Dimatekenu 20:5

Ki muene ua ngʼambela, uixi: Phange iami ia muhatu? O muene muhatu ua kiambe ue kuma phange iami ia diiala? Kiki eme nga ki bhange ni muxima ua uabha ni maku a ngi zele.

I Jisobha 8:32

Eie-phe ku maúluʼoko ívua, u bhange kia fuama, u fundise abhikʼé ni kubelesa uoso ua tondala, mbé ku mu vutuila o ibhangelu iê ku mútue uê, ni ku lungisa uoso ua iuka, mbé ku mu bhanga kioso kia tokala mu kuiuka kuê.

I Malunda 28:9

Anga uambela Solomá, uixi: Eie-phe monʼ ami Solomá, o Nzambi ia tatʼ enu ua mu ijiia, mu bheze ni muẋima uaiuka, ni vondadi iê ioso. Kuma o Jihova mixima ioso uene ku i solokota, o mabanzelu moso ma ixinganeku ua mʼejiia. Eie se u mu sota, uanda ku mu sanga; maji o ki u mu xisa-phe, Muène ue u ku dituna katé ku hadia.

Jisálamu 10:15

Bukula, Ngana, o lukuaku lua kisuéia ni lua mukua phulu; solokota muene o ituxi iâ katé ki u i zubha, hé u mona muene kuila ki ku xala dingi kima.

Jisálamu 10:18

Eie u kala u dilemba dia jihukunhi ni abhika, phala o muthu ua tunda ku mavu, ka di kake dingi kinéne, anga uia ni kukuatesa uoma.

Jisálamu 11:5

Jihova u tungula athu, ni iá a mu xila ni iá a bhumu; uoso-phe ua bhumu, uandala ituxi, muene u di zemba-nê.

Jisálamu 139:1

U Jihova, eie ua ngi solokota, ua ngʼijiia.

Jisálamu 17:3

Eie ua lola kiá muẋima uami; ua ngi tokuesa mu usuku; ua ngi sale, maji kua ngi mono isenga; nga dixibhʼami, kanu diami ki dia tondala.

Jisálamu 18:21

Kuma nga kuata muene jinjila ja Jihova, Nzambi iami ki nga mu xibhaka hé ngi baluka.

Jisálamu 26:2

Ngi tokuese, Johova, u ngʼijiie; ngi tekule muẋima ni ilunji.

Jisálamu 35:23

Phaphumuka, u balumuke mu ku ngi bhana o kulúnga; funda o mulonga uami, eie u Nzambi, Ngana iami.

Jisálamu 37:23

Makànda ma muthu uambote Jihova u a tambula konda; uendelu uê u mu uabhela.

Jisálamu 40:2

Ua ngi zaula ue mu dikungu dia kubhondalala, ua ngi tombola mu diloua diòmbama; ua ngi tula inama bhu ditadi, phala makànda mami ma diate kiá bhua kolo.

Jisálamu 43:1

Ngi tetuluile, Ngana Nzambi, u ngi fundile o mulonga uami ni mbutu ia athu a iibha o muẋima; ngi kudile ku kiiala mukua makutu ni mangonha.

Jisálamu 44:21

Manhi o Nzambi u kamba ku ki ijiia, Se muene muène uejiia o ikutu ioso ia muẋima ua muthu?

Jisálamu 58:6

A bukule mazu mu kanu, Ngana Nzambi; a vuze o imazu ia jihoje, eie Ngana, u Jihova.

Jisálamu 9:9

Jihova muene o mbonge ia matala, mu lengela ió oso a a tatesa; muene kididi kiakondama mu thembu ia jiphaxi.

Jisálamu 96:10

Tangenu-kiu ku matumbu muixi: Jihova ua hinge ungana uê. Muene ixi ua i kuatesa bhu kididi, ka tena ku i sendumuna; hádia muene u fundisa o mundu mu uiukilu uê.

Jisálamu 96:13

Bhu pholo ia Jihova, kuma iú iza, iú iza mu fundisa o ngongo; u fundisa o athu mu ngongo ni kuiuka, u tetuluila o mundu ni kidi kiê.

Jisálamu 98:9

Bhu pholo ia Jihova, kuma iú iza, mu fundisa o ngongo; u fundisa mundu ni kidi, u batuila o ifuẋi ni kutetuluka.

Jelemiia 11:20

Maji Jihova dia Uombo Ieta, u Mufundixi Uaiuka, uene kutungula o ilunji ni miẋima, tamanu ngi mona o phonzo ié ku thandu diâ; nga ku bhakuila-phe o milonga iami.

Jelemiia 17:10

Eme ngi Jihova eme ngi solokota o muẋima, eme ngi tungula o ilunji; ngi ki bhangela-phe kumona o futu ia tokala kubhana kala muthu kia fuama ku mauendelu mê, ni kia fuama ku ibundu ia ibhangelu iê.

Jelemiia 20:12

Eie-phe, Jihova dia Ilombo Ieta, o muthu ua iuka uene ku mu lola, hé u mona o ilunji ni muẋima: tamanu ngi mona o phonzo ié, i ua-nda ku a vutuila, ku thandu diâ; nga ku bhakuila-phe o mulonga uami.

Daniiele 11:45

Ua ka phapha jibalaka ja kilômbo kia mbanza iê bhu kaxi ka musanza ua kalunga ka dikota ni Mulundu ua ulamba; maji hádia o dizubhilu diê ki dʼiza, u mu banda ka moneka.

Jipoxolo 12:23

Mu kithanganʼokio, anju ia Ngana i mu kuama, mukonda ua kambe kujingisa Nzambi; anga u diua ku mabhuka, u zubhidisa.

Loma 16:25

Tu ximane Nzambi! Kala ki nga mu tanga mu Njimbu Iambote i nga mu kola—o Njimbu ia tokala Jezú Kristu—kuila Nzambi ua soko-bho ku mi bhaka mu kuxikana. Kala ue ki kia tukuluka mu kijinganu kiòbhake mu kabuu mu jihama ja mivu ni mivu, tunde mu xahùlu.

I Tesalonika 3:13

Phala o muène a mi kuatese miẋima mu kuzela ku kamba kuêla, bhu pholo ia Nzambi ietu, Tatʼetu, katé bhuoso bhua kà tukulukila Ngana ietu Jezú kumoxi ni akua Ngana oso.

I Phetele 5:10

O Nzambi-phe ia kiadi kioso, ua mʼixana mua Kristu ku fuma iê ia kalelà-ku, ki mua kà zubha kathangana ka kutala hadi, muène-muene u mi tenesa, u mi kuatesa, u mi suinisa.

Juda 1:1

Eme Juda, mubhika ua Jezú Kristu, phange ia Tiiaku, nga sonekena ió oso a exana kuata Nzambi, ata mu henda ia Nzambi Tata, ia ata ku a tanga kuata Jezú Kristu.

Dijingunuinu 2:23

Anʼê ngʼa jibha ni dibhebhu, Jingeleja joso anga jʼijiie kuma ememuène ngi tungula o jihânji ni miẋima ia athu. Hinu enu oso ngi mi uanena o futu ioso ia tokala mu imbamba ienu i mu bhanga.

I Samuuele 16:7

Jihova-phe u ambela Samuuele, uixi: Kana kutala o pholo iê, mba o kitala kiê kialebha, mukonda eme nga mu ditunu. Kuma Jihova kene kutala kala ki tala o muthu; mbata o muthu u tala kidifua kia kanga, Jihova-phe u tala ku muẋma.

I Samuuele 2:9

Muene u langa inama ia athuʼê abhu o ituxi; o a ta ituxi-phe u a bheka muʼalunga mua vundu, anga muenhomo a di xibha muene hudi! kuma nguzu ki iene i lendesa muthu nʼa tundu akuâ.