Jisálamu 7:3 - O Mikanda Ikola

³ Jihova, Nzambi iami, se kidi muene eme nga ki bhange, se ua ngi mono ni lufuku bhu maku mami,

Jisálamu 7:3 Iomraidhean Croise

Jobe 11:14

Se bhu lukuaku lué bhuala kikuma, texi na-kiu muene dikanga, o kubhanga mangonha ku kuehele ku tunga mu jibalaka jé.

Jisálamu 22:12

Iama iavulu ia ngi balukila ni ku ngi tungika, jindumbe ja jingombe ja ngi bhake bhu kaẋi.

Jisálamu 22:20

Ngi kudile ku mukuale ua ngi zuikila; muenhu uami umoxièlele ki uie ni jímbua.

Jisálamu 59:3

Kuma ia-ue-iá, a ngi batamena ni ku ngi tela mibhetu; iiala ia nguzu ia di bande mu ku ngi kuata; sè kituxi kiami, mba mulonga, eie u Jihova, tata!

Jisálamu 66:18

Se ku muẋima nga solele kubhengalala, Ngana hinu ka xikina ku ngʼivua.

Josuué 22:22

Nzambi ia jinzambi, Muteni-a-Ioso, Jihova, ua kʼijiia; Nzambi ia jinzambi, Muteni-a-Ioso, Jihova muene a tume ku kʼijiia, ni Izalaiele ki mu tetulukile muene; se o ki tua bhangʼiki, kukituka kua tu bhangesa-kiu, mba kutulumbila Jihova kua tu kuata, ka tu ehele kukola muenhu lelu!

I Samuuele 20:8

Hé kiene, ngi kuatele henda ngi mubhikʼé, kuma mubhikʼé ua mu bheka mu kikutu kia Jihova ki ua te eie ni eme; o ki kala-phe ua ngi mono kubhukumuka, ngi jibhe kiá eie muene, u ngi bhekela-hi ngó kua tatʼenu?

I Samuuele 22:13

Saúlo u mu ambela, uixi: Mu ngi kanenenʼahi, ni eie ni monʼa Jese? Kia bhingi eie ua mu bhana huta, ua mu bhana xibhata, ua mu zambuila kua Nzambi, phala a ngi kitukile, a ngi batamene, kala ki tua mu ki mona kizuua kia lelu.

I Samuuele 22:8

Kiene ki mua ngi kanenena? Mukonda mua di xibhenu ki bhuala ua ngi jimbuila-kiu kioso kia te monʼami kikutu ni monʼa Jese; ki bhuala mudienu ua ngi kuatela henda, mba u ngi jimbuila kuma monʼami ua funhisa mubhikʼami ku ngi kitukila, ni ku ngi batamena kala ki mua di muena mu kizuua kia lelu.

I Samuuele 24:11

Luamukuá, Phaphai, talesa hanji mbandu ia divunga dié bhu lukuaku luami. O ki ua monuʼiki, nga batula ngó mbandu ku divunga dié, eme nga kambe ku ku jibha, ijiia na-kiu kuma, bhu lukuaku luami ki bhuala phulu ki bhuala kikuma. Eme-phe ki nga te kituxi kokué, sumbala eie uala ku ngi seia o muenhu uami phala ku ngi tambula-u.

I Samuuele 24:9

Davidi anga u kuata kuambela Saúlo, uixi: Phala-hi, ngana, u ivua jimbuémbue ja athu, a kuambela, exi: Davidi ua-lu sota ku ku bhanga phulu?