Jisálamu 7:17 - O Mikanda Ikola

¹⁷ Eme-phe ngi sakidila jinga Jihova mu kutetuluka kuê; ngimba ni kuximana o dijina dia Jihova, Suke-ku.

Jisálamu 7:17 Iomraidhean Croise

II Samuuele 3:29

Kikuma kiki ki nemene ku mútue ua Jouabe, ni ku dibhata dioso dia tatʼâ; mu bhata dia Jouabe ki mua kamba dingi mukua kibhubhe kia manhinga, mba mukua dibhute, mba uenda ni mbangala, mba u fuila ku xibhata, mba mu kamba muthu uenda ni kubhinga jimola.

I Jisobha 2:32

Jihova a mu vutuile o manhinga mê ku thandu dia mútue uê-muene, kuma muene ua balukila malʼaiadi a mu tundu muene kuiuka o muẋima ni mu ukota, iu ua a jibha ni mukuale uê, sé tatʼetu Davidi ku kʼijiia, ana a Abinele monʼa Nedi, kabhitangu ka kifuxi kia Izalaiele, ni Amasa monʼa Jetele, kabhitangu ka kifuxi kia Juda.

Estere 9:25

Maji o kieza o maka iá kua muenexi, muenexi ua bhangesa mikanda ia kulungulula kikutu kiê kia usuéia, phala ufe uê uambele kubhanga jijudé uize ku thandu dia mútue uê muene ni muene ni anʼê phala a a nhenge ku mukambu ua iudika muene.

Jisálamu 111:3

O kukumbidila kuê ki kuene kufula.

Jisálamu 140:10

A kuuile makala ma uama ku thandu diâ; a a vubule muene mu túbhia; a fue mu madiela ma zongo, phala ka tene dingi kutunda-mu.

Jisálamu 145:7

A kà tanga musêndu ua mbote ié iavulu, hé emba o mukumbi ua kukumbidila kué.

Jisálamu 35:28

Kienhiki, eme bhabha, dimi diami di kuata mukumbi; ngi ximana jinga o kidi kiê, kumbi dioso dia kambamba, katé ku hádia ni hádia.

Jisálamu 51:14

Ngana Nzambi, ngi katule ku ituxi ia ujibhanganga, u Nzambi iami ia kibhamuenhu; phala o dimi diami di kale mu kuimba nguzu o kukumbidila kué.

Jisálamu 9:2

Ngi sangulukila mo mué, ngi tana ni ngalasa; ngimba mu kuximana dijina dié, eie u Suke-ku!

Jisálamu 92:1

Kima kiambote o kusakidila jinga Jihova, kuimba muene ni kuximana o dijina dié, u Suke-ku.

Jisálamu 92:8

Eie-phe, u Jihova, ditala diengi di uemana, kuma eie-muène Suke-ku katé ku hádia ni hádia!

Jisálamu 98:2

Jihova uedikiza ubhulukilu uê; o kukumbidila kuê, kua di monekena ku mesu a akua jixi joso.

Daniiele 4:17

Sendesa iii iatundu ku Alangidi, o ngonge iii iangene ia athu akôla; phala ki bhekele athu ku tongolola kuma, mbé Suke-ku muene utumina o ma-usobha ma athu; u ma bhana uoso a mu andala, katé-ze ni sébhue u mu zangeleka muene ku thandu dia athu.

Daniiele 4:25

Kala kiki, muʼaxaxi ka athu, a-nda ku ku tubhula-mu anga utunga ni jixitu ku mukáu, a-nda ku ku disa iangu mukuâ ni ngombe, mbundu ia bhulu ia-nda ku ku sukila anga i ku betesa muene; anga unakina sambuadi dia jithembu ji bhita kuthandu dié kienhiki; katé ki u kʼijiia kuamba mbé Suke-ku muene u tumina ma-usobha ma athu, muene u ma bhana uoso ua mu andala.

Daniiele 4:34

Maji, kia zubha kúbhua izuua ienhoio, eme Nabukodonozolo, nga bhetula mesu ku diulu, anga ku ngʼiza dingi kilunji, eme nga tanesa Suke-ku, Ió kene mbambe nga mu ximana, nga mu kola fuma, mbé utuminu uê utuminu ua kunangenena, o usobha uê, kutunda muiji kuiza muiji.

Jipoxolo 7:48

Sumbala Ió Uasuka ku Ukota kene kutunga mu jinzu jokalakale ni maku ma muthu, uila kia tange o Polofeta, uixi:

Afundixi 9:24

Kienhiki kia bhiti mbebhu o ujibhanganga ua bhange muene (Abimeleke) kua anʼa Jelubaale, o makuinhi sambuadi a muthu, kituxi kia manhinga mâ phala kʼize ku thandu dia phange iâ Abimeleke ua tenene ku a jibha, ni ku thandu dia akua Xikeme a mu suinisa mu kujibha jiphange jê.

Afundixi 9:57

Kiene ue kimoxi o kituxi kia akua Xikeme Nzambi ua ki bheka dingi ku thandu diâ. Mázui ma a kuata ma a tele Jotamu monʼa Jelubaale.