Jisálamu 7:12 - O Mikanda Ikola

¹² Se o muthu nguê kutunda ku njila iaiibha, Nzambi phe u zuika o mukuale uê; uta uê ua mufula ua u oleka, ua te kiá o misongo iê;

Jisálamu 7:12 Iomraidhean Croise

Dimatekenu 18:25

Lu ku suke, Ngana, ki ki bhite kuila u bhanga kima kala kiki, uila ni iá alungu ni iá abhukumuka u a jibhila kumoxi, kifua ni iá alungu ni iá abhukumuka, a soka? Ki ki ẋikina Ngana; Kifua Mufundixi u fundisa ioso mu ngongo, u lémbua kubatula mu kidi, hé u bhanga o kima kia kukamba kulûnga?

Jisálamu 129:4

Jihova-phe muthu ua tetuluka, mukua kidi, ua batula o mikolo ia isuéia.

Jisálamu 85:4

Kiki ue tu bhetule, u Nzambi ietu ia Kibhamuenhu; né tua ku tondalela, tu lendukile o njinda ié ku i ehelele ku thandu dietu.

Jisálamu 9:5

Matumbu eie ua a bazela, akua phulu ua a buikisa; dijina diâ ua di jimuna kulu dia mundu katé ku hádia ni hádia.

Izaía 27:1

Mu kizuua kienhókio, Jihova ua kà sunga xibhata iê ia kolo, iónene, ia nguzu, iene ia kà bhana na-iu o njumbu kua Leviatane, o kinhoka ki lenga lusolo, ni kua Leviatane, muene kinhoka kia di jinga lukata, anga o mudikixi uene muʼalunga ue, nʼa u jibhe.

Izaía 34:5

Kuma o xibhata iami ia kodiuila mu diulu; talesa-phe ia kà tuluka mu Idomo phala kua fundisa, itula ku thandu dia mundu u nga bhubhidila phala ku a buikisa.

Izekiiele 18:30

Kala kiki, Jihova Nzambi ua tange, uixi: Enuʼenuʼoso, nga-nda ku mi fundisa kala muthu kioso kia fuama mu njila jê, enu mu dibhata dia Izalaiele; zenu-phe mu diele ku itondalu ienu ioso, o ikuma ienu ki i mi kale kidibhukanu.

Izekiiele 21:23

O kienhiki-phe kianda kuila ku mesuʼâ kala kuzambula kua hatu, mukuâ ni kusuma ngó, mukonda a a lokela ni milôko muʼaxaxe kâ; maji o Nzambi phe ua-nda kuxinganeka o kikuma kiâ phala nʼa a kuata.

Izekiiele 33:11

Ambela-u, uixi: Kikola! Eme ngi Jihova Nzambi! Kuma eme ki ngène mu kuuabhela kalunga ka mukua phulu, maji ki ngi uabhela o mukua phulu kudiela ku njila iê ia ibha nʼa kole muenhu; dielenu-phe, dielenu ku jinjila jenu ja ufusa; abha-phe, mukonda diahi mua-ndo fuenu ngoho, enu mu muiji ua Izalaiele, tata!

Matesu 3:10

Kumbʼ idi dikuua a di tula kiá bhu kixina kia miẋi. Muẋi uoso u kamba kuima ibundu iambote, a u koka, hé a u ta mu túbhia.

Jipoxolo 3:19

Enu-phe dielenu, muenhu uenu u biluke, mu vutuke kua Nzambi, o muène ituxi ienu phala a mi jimune-iu.

Matendelelu 32:41

Se ngedi ngi zuika o mukuale uami, uedi léko, ni ngi te lukuaku luami mu kubatula o milonga, ngi tata phonzo ku thandu dia jinguma jami, oso a ngi zemba ngʼa bhana o futu iâ.