Jisálamu 69:4 - O Mikanda Ikola

⁴ Iá a ngi zembe sé kikuma, kota mu kuvula, o jindemba mu mútue uami ndenge; jinguma jami, a ngi zembe mu makutu, a suína; a mesena muene ku ngi batula mu muiji, ima ki nga i di ngoho, ia ngi bhingi ku i futa.

Jisálamu 69:4 Iomraidhean Croise

Jisálamu 35:19

Kuehele jinguma jami ku ngʼolela uoua mu kingoho; a ngi zembe sé kikuma ka kale mu di jika-jika mesu, exi tua mu tobhesa.

Jisálamu 40:12

Kuma mavuua ma vudila-ku ma ngi phopheka; o ikuma iami ia ngi kaie, ia ngi kuata, katé ki ngi tena ngó kubhetuluka. O ikuma iami kota mu kuvula, jindemba mu mútue uami ndenge. Kia bhekesa muẋima uami kuia ku kiambu.

Jisálamu 59:3

Kuma ia-ue-iá, a ngi batamena ni ku ngi tela mibhetu; iiala ia nguzu ia di bande mu ku ngi kuata; sè kituxi kiami, mba mulonga, eie u Jihova, tata!

Jisálamu 6:7

Mesuʼami iá a bhua-bhu kiá ni kudila; kala kumona dingi kiambote, mukonda dia jinguma ku ngi tatesa.

Nzuá 15:25

Oko a ki bhange-phe mu kubhitisa o maka mòsoneke mu Kitumu kiâ, ma kuila: Ene a ngi zembe sé kikuma.

II Kolindo 5:21

Kristu kia kexi, ka moneka kituxi, maji Nzambi ua mu tambuisa mbandu ku ituxi ietu, phala etu, mu kisangela ni Muène, tu tambule uetu mbandu mu kulûnga kua Nzambi.

I Phetele 2:22

Muène muthu ka tele kituxi, mu kanu diê ki mua monekene makutu.

I Phetele 2:24

Kristu muène ku mukutu uêmuène, ua tu ambatela o ituxi ietu katé ku kimuẋi, phala etu tu jituke ku ituxi, tu kuate muenhu ua kuiuka. O italakanha iê iene ia mi sake.

I Phetele 3:18

Mukonda Kristu ue ua mi fuila bhu kididi. Muène ituxi ua i talela hadi mu lumoxi ngó, o muthu uaiuka bhu kididi kia akua ikuma, phala a tu bhiẋidise kua Nzambi. Muène a mu jibhila mu xitu, a mu phaphumuina mu nzumbi.