Jisálamu 69:21 - O Mikanda Ikola

²¹ Kúdia kuami a ngi bhana ndululu; kia ngi kuata o dinhota, a ngi nuisa mvindangele.

Jisálamu 69:21 Iomraidhean Croise

Ndongixi 4:1

Anga ngi lunguluka dingi, hé ngi tongolola o kubhondeleka ni kutatesa kuoso kuala mu kubhanga athu kulu-dia-mundu; anga ngi mona o masoxi ma ió oso a a tatesa, ni masoxi ma iá oso a kambe uoso u a konda o malamba; o kusuína kuala ku mbandu ia atatexi maji o ene-phe a a tatesa, a lémbua ngó uoso ua konda o malamba!

Jelemiia 23:15

Uila kiki Jihova dia Ilombo Ieta uambe kiki ku jipolofeta: Talesenu o jipolofeta jiji nga-nda ku ji disa lojina, anga nga a nuisa menha ma ndululu; Kuma lufuku lua jipolofeta ja Jeluzaleme lua sambukila oxi ioso.

Jelemiia 8:14

Tua xikamena-hi phe dingi? Diphophienu nda tu bokone mu jimbonge ja nguzu, tuile muenhomo hudí; kuma o Jihova Nzambi ietu ua tu di xibhisa kiá, iú ua tu bhana kunua menha a ndululu; mukonda tua te ituxi kua Jihova.

Jelemiia 9:15

Uila kiki, Jihova dia Ilombo Ieta, Nzambi ia Izalaiele, uambe uixi: talesa, mundu iú nga-nda ku u disa ima ia lulu; anga nga a bhana kunua menha ma ndululu.

Kuditenda 1:2

Usuku uoso ua kudila kinhenge; o masoxi mê a kuata kunguluka jinga ngó mu pholo; o muʼaxaxi ka makamba mê ki muala ngó u mu konda dilamba; o makamba mê moso-lolo ma mu bhange ndunge; a biluka muene jinguma jê.

Kuditenda 1:9

Dixidilu diê dia mu kala ku izuatu iê, muene ka lembalele kuila o ku dizubhilu diê ua-nda kutala hadi; kiene-phe kia mu bhela o kibhalu kia kalunga kiki; ki bhuala u mu konda malamba. Eie, Jihova, ngi tale bhu nga tatela; mbata o nguma ua di te nzabala.

Matesu 27:34

A mu bhana vinhu iòlunge ni ndululu. Muène-phe kia i lola, nguaiê ku i nua.

Matesu 27:48

Mukuá anga u lenga kindala, u zangula jiponja, u ji bonda mu vindangele, u ji suikika ku kamuẋi, u mu nuisa.

Marku 15:23

Anga a mesena ku mu bhana vinhu iolunge ni milongo i sosolola o misusu, i exana mirra. Maji muene-phe, ngua-iê ku i tambula.

Marku 15:36

Anga bhu kala muthu, u lenga he u bonda jiponja mu mvindangele, u ji sukika ku kamuẋi, u mu bhana o kuxibha, uixi: Ambulenu! Tu mone mba Elija uiza ku mu tulula ku dikulusu!

Luka 23:36

Masoladi ue ma mu tobhesa. A mu zukama, hé a mu idikiza vindangele kala anda ku mu bhana-iu, exi:

Matendelelu 29:18

Ki bhu kale-phe diiala muʼaxaxi kenu, mba muhatu, mba diembu, mba kibuka kia muiji, nʼa kala ni muxima u ẋanjuka kua Jihova Nzambi ietu, hé u di ta mu bheza o mahamba ma miji iii; phala muʼaxaxi kenu ki mu kale kima ki sabhukisa lundanji lualulu.