Jisálamu 69:18 - O Mikanda Ikola

¹⁸ Ngana, zukama ku muenhu uami, u ngi kudile; ngi kule, mukonda dia jinguma jamiʼojo.

Jisálamu 69:18 Iomraidhean Croise

Jobe 6:23

Mba ngixi: Ngi kudidienu ku nguzu ia mutatexi? Inga ngedi, ngixi: Ngi tambudienu bhu maku a isuéia?

Jisálamu 10:1

Ua sukila-hi ngó mu kanga, eie Ngana, u Jihova? Ua di vunginaʼhi katé ni mesu, mu thembu ia jingongo kiki?

Jisálamu 111:9

Ua tumu kukula o mundu uê, iu ua te-nâ o kikutu ki nangenena ki ki bhu; o dijina diê di kôla, di kuata uoma!

Jisálamu 143:7

Endelà-ku, Ngana, mu ku ngʼitaia, kuma o nzumbi iami ia botomoka; kana ku ngi suekela o pholo ié, mbé ki ngi kale kala athu a mu kutuka mu kina.

Jisálamu 22:1

Nzambi iami, Nzambi iami, ua ngʼehelelela-hi-á? Ua sukila-hi ngó mu kanga, ni kufula ku ngi kudila, ngala kudikola kiki?

Jisálamu 22:12

Iama iavulu ia ngi balukila ni ku ngi tungika, jindumbe ja jingombe ja ngi bhake bhu kaẋi.

Jisálamu 22:19

Maji eie-phe u Jihova, kana ku ngi kala dikanga; endela-ku, Ngana, mu ku ngi banda, u mubhuludi uami.

Jisálamu 22:20

Ngi kudile ku mukuale ua ngi zuikila; muenhu uami umoxièlele ki uie ni jímbua.

Jisálamu 27:9

Kana ku ngi suekela o pholo ié. Ngi mubhikʼe, kana ku ngi kaia ni njinda; ua ngi kuatekesa jinga mʼokulu, ni kiki kana ku ngʼambudisa, kana ku ngʼehelela, u Nzambi iami ia kibhamuenhu!

Jisálamu 31:5

Nzumbi iami nga i bhakula bhu maku mé; Jihova, u Nzambi ia kidi, eie ua ngi kula.

Jisálamu 49:15

Nzambi-phe u ngi tambula o muenhu uami kua kalunga-ka-ngombe, hé u ngi bhongolola kua muene kuoso kuala. (Selah.)

Jelemiia 14:8

Eie u Kidielelu kia Izalaiele, eie u Mukudidi uê mu kithangana kia jiphaxi! u di bhangela-hi kala u nzuangiza moxiʼumu? mba u ngenji-a-thumba u bhambukila kuzekela usuku?

Kuditenda 3:57

Eie kizuua ki nga ku bhingile, bhenhobho eie ua ngi zukamene; uixi-phe: Ku kale ni uoma!

Matendelelu 32:27

Maji nga kexile ni hele, mukonda dia nzabala ia nguma. Oso a mi kala ni luma avula ku ki mona; a soko-bhu kuila: Lukuaku luetu luene lua ki bhange, Jihova ki muene ua ki bhange ubheka uê.

Josuué 7:9

Mukonda akua Kanana, ni akuaʼxi oso, kia-nda ku kʼivua, a-nda ku tu konda, anga a tu batula dijina dietu mu ngongo. Eie-phe Ngana, o dijina dié diajingi, dia dikota, ua-nda ku di bhanga kiebhi?