Jisálamu 69:12 - O Mikanda Ikola

¹² A xikama bhu njangu, eme muene ngi diba diâ dia maka; ngaii kiá ni mu muimbu ua jihôlua.

Jisálamu 69:12 Iomraidhean Croise

Dimatekenu 19:1

Anjo jiiadi ji tula mu Sodoma mu kumbi dia ngoloxi, kia xikama Lote bhu muelu ua kimbaka kia Sodoma; kia zubha ku a mona, Lote u balumuka, uia mu ku a kauidila, u bhetama pholo bhoxi;

Jisálamu 35:13

Ene-phe kia kexe mu kata, eme ngi zuata kidinhaji; ngi di bhinjika muene ni kujila o kúdia; ngi kala mu samba ni mútue uabhetama.

Jelemiia 20:7

Jihova, tata, eie ua ngi tobhesa, eme nga xala ni kutobha; kuma eie ua beta o nguzu eme ndenge, eie ua tolola; o kienhiki-phe kumbi dioso dia kambamba ala ku ngi bhanga kasekélelu; kala muthu mudiâ u ngi tobhesa.

Daniiele 5:23

Eie ua di zangeleka, kua xila Ngana ia diulu, o itutu iaʼnzo iê a ku bhekela-iu eie; eie-phe, ni ilâmba ié, ni akajiʼé, ni akamʼé, muene mu mua kuata kunuina o vinhu. Eie ua te-ku dingi o kuximana jinzambi ja phalata, ni ja ulu, ni ja ngòndo, ni ja jifelu, ni ja miẋi, ni ja matadi, o jene ki ji tena kumona, ki ji tena kuívua, ki jʼejiia kima, jedi ngó ni jene hudí; maji o Nzambi, uoso ua ku kuata o muenhu ué ni jinjila jé joso, ji uenda, muenhú kua xikina ku mu jingisa.

Matesu 27:20

Jinganga ja makota-phe, ni adiakimi a Jijudé, a kala mu bhomba o mundu, phala a bhinge Balaba, o Jezú a mu jibhe.

Luka 23:2

O kuenhoko anga a kuata ku mu tatela, exi: Muthu iú tua mu kuata ni kufunhisa o kifuẋi kia mundu uetu. Uala ku fudisa athu kubhana lubhaku lua Sézalu, uixi: Eme-muène ngi Kristu, ngi muenexi.

Matendelelu 16:18

Mu mabhata moso ma-nda ku ku bhana Jihova Nzambi ié, ku ibuka, ibuka, mu ta-mu afundixi ni jifixiiadi, ende ni kufundisa o mundu ni ubatuilu ua tetuluka.