Jisálamu 69:11 - O Mikanda Ikola

¹¹ O ki ngedi ngi zuata mulele ua kidinhaji, a ngi ta kiá ku mukumbi, nga di bhange ngi Sabhu iâ.

Jisálamu 69:11 Iomraidhean Croise

I Jisobha 9:7

bhenhobho Izalaiele nga kà mu buidisa mu ixi i nga a bhana; anga o inzo iii i nga kôlesela dijina diami, nga kà i takula dikanga, o bhu pholo iami i tunda-bhu; anga Izalaiele ua kà xala mukuâ ni Sabhu, ua kà di bhanga môndo muʼaxaxi ka madiembu oso.

Jobe 17:6

Maji eme-phe ua ngi kitula ngi Sabhu ia akua jixi; nga di bhange mukuâ ni ió u fuama ku mu ta mathe mu pholo.

Jisálamu 109:24

Mukonda dia kujila kúdia, jiphuna jala ku ngi teketa ni nzala; o mukutu uami ua muia ni kubhela.

Izaía 20:2

Bhu thembuʼoio Jihova ua tangela polofeta Izaia, monʼa Amoji, uixi: Ndé ka Zule kidinhaji ki ua di-kutu mu mbundʼokio, ni jisabhatu ku inama zula-ju. Muene anga u ki bhanga, anga uenda tuẋi, inama bhoxi dia hatu.

Izaía 22:12

O Jihova phe, Jihova dia Ilômbo Ieta, mu kizuua kiná ua kà mʼixanena kudila, ni kuta jingololo, ni dikongelu dia mítue, ni kuzuata jisaku.

Jelemiia 24:9

Anga ngʼa bhakula phala nʼa kituke kima ki kuatesa uoma, kuxixima kua mautuminu moso mu ngongo, lusebu ni Sabhu, môndo ni mázui mu ididi ioso mu nga-nda ku a takuila.

Jouele 1:13

Enu mu jinganga di kutienu bhu inhonga, mu te jingololo; di kumunienu, enu mu akunji a kalatódio, bokonenu, bhitenu enu mu akunji a Nzambi iami, o usuku uoso mu zuata kidinhaji; kuma o mibhaku ia makúdia ni ia makúnua a i batula mʼonzo ia Jihova Nzambi ienu.

Jouele 1:8

Iú dila mukuâ ni kilumba kia muzeletete kia di kutu ni kidinhaji, mukonda dia diiala diê dia unzangala.

Matendelelu 28:37

Kuabhu-phe, ua kà di bhanga u kidiuanu, uà kà kituka u musoso, ua kà kala u kima kia jingolela muʼaxaxi ka ifuẋi mua-nda kuà ku bheka kuala Jihova.