Jisálamu 67:7 - O Mikanda Ikola

⁷ Xi, Nzambi u tu bhana muene dibesá; mbé ene oso, katé ku maẋokololo, a mu kale ni uoma.

Jisálamu 67:7 Iomraidhean Croise

Jisálamu 22:27

Katé ku maẋokololo a jixi athu a xinganeke, a vutuke kua Jihova; mbutu joso ja athu, eze a bheze bhu pholo iê.

Jisálamu 29:11

Jihova muene u bhana o nguzu ku mundu uê; Jihova u zediuisa o mundu uê ni kutululuka.

Jisálamu 33:8

Ixi ioso i kuate uoma ua Jihova; oso a tungu mu ngongo a mu ijiie kuma ukôla!

Jisálamu 65:5

Ima ia undanda, Ngana, i uene kubhanga mu kuitaia kué ni kidi kié, u Nzambi ietu ia kibhamuenhu; eie a ku dielela katé ku maẋokololo aʼxi, ni kua iá a takuka dikanga ku musanza.

Jisálamu 72:17

Dijina diê di nangenena katé ku hádia ni hádia; diia ni kusambuka muene ni ku mululu ni ku mulaula, kioso hanji ki kala mu nangenena o dikumbi; athu a kala mu ku a bhana dibesá mu dijina dia muene; o ifuẋi ioso mu ngongo a mu ixana kuma Mukua jimbote.

Jisálamu 98:3

Ua xinganeka o henda iê ni kidi kiê, mu kutambula konda ia dibhata dia Izalaiele; katé ku maẋokololo a jixi, uzonda ua Nzambi ietu a u mono.

Izaía 30:23

Kienhokio-phe Jihova ua-nda ku ku bhana o mvula ku mbutu ié i u kuna bhoxi, u ku bhana ue mbolo, o phèmbele jaʼxi; mavu iá a-nda kuima muene kiasoko; mu kizuuʼokio ibhaku ié ia kà dila jinga mu mâkela madixala.

Izaía 43:6

Ngambela mbandu ia suku, ngixi: Bhana! Anga ngambela mbandu ia sulu ngixi: Kana ku a bhaka; ngi bhekedienu anʼami a mala ene dikanga; ni anʼami a ahatu ene kua suku oxi.

Izaía 45:22

Talenu kokuami, nda mu bhuluke, enu mu masukilu oso kua sukaʼxi; mbata eme-muène ngi Nzambi, ki kuene nzambi iengi.

Izaía 52:10

Jihova ua funha lukuaku luê lu kôla bhu pholo ia ifuẋi ioso; o maẋokololo moso maʼxi ma-ndu mona ubhulukilu ua tundu kua Nzambi ietu.

Ijila 26:4

eme-phe ue ngenda ni ku mi bhana mvula ienu bhu thembu iê ia tokala; o ixi ienda ni kutubhula muene ima ia ubhe, o ku mikáu miẋi ia kuphapha ue ilukula muene ibundu.

Mikeia 5:4

Muene anga ua kà nangenena, ifuẋi anga ua kà inga mu nguzu ia Jihova ni mu ungana ua dijina dia Jihova Nzambi iê! Ene uâ a kà kala bhua kondama, mukonda kindala muene ue a kà mu zangeleka katé ku aẋokololo kua suku oxi.

Zakadiia 8:12

Mukonda eme nga-nda ku kuua o kutululuka o mbutu ia kà kala ni kuzediua. Muvide ua kà lukula ibundu iê, o ixi ia kà bhana idima, o diulu dia kà bhana dimume diê mu kimene; anga ngi bhangesa kuila, o ima ioso iii ia kà biluka undundu ua ngene ua iá a subhuka ku muiji uenhú.

Zakadiia 9:10

Muene ua kà jikinisa o makalu ma ita mʼoxi ia Ifalaíme, ni jikabalu ja Jeluzaleme; ni mufula ua ita ua kà u bukula ue; Muene nʼa kà tula jingolokela ja paze ni kutululuka ku akua jixi; o utuminu uê ua kà di zala tunde ku musanza katé ku musanza ua mukuá; tunde ku honga ia Ufalate katé kua suku oxi.

Malakiia 1:11

Kuma tunde bhu tundila dikumbi katé bhu di fuila, o Dijina diami dia kà kala kima kionéne ku miji ioso. Mu ididi ioso Dijina diami a kà di ohela uasu ua dizumba ni ku di bhela jisata ni maujitu mazele kiambote. Mukonda Dijina diami dionéne mu miji ioso. Kiene kia tange Jihova dia Ifuẋi.

Malakiia 4:2

Maji, phala enu-phe, oso muene mu kuxila Dijina Diami, kua kà mi kiela Dikumbi dia Kuiuka, diene dia kà mi bhekela ubhulukilu, uijiia na-u moxʼa mabhabha mê; enu-phe mua kà tunda, mua kà tuka-tuka mukuâ ni tuana tua ngombe kioso ki tu tunda mu kibhanga kiâ.

Jipoxolo 13:26

Phaulu anga u zuela dingi, uixi: Enu phange jami, mu ana kixina kia Mbalahamu, ni enu oso ki mu Jijudé maji mua xila Nzambi, makʼ ama ma kubhuluka ma tu kane etu-ene oso.

Jipoxolo 13:47

Kuma kiene kia tu tumu Ngana, uixi: Eme nga ku xikika mu kukala u mukengeji ua akua matumbu, eie ua ka bheke mu ngongo ioso o kubhuluka, katé ku maẋokololo.

Jipoxolo 2:28

Eie ua ngʼ ijidisa jinjila ja muenhu, ua kà ngʼ izalesa ni ngalasa mu kumona pholo ié.

Ngalásia 3:14

Kiki kia bhiti, phala o dibesá dia tanga Nzambi kubhana Mbalahamu, dʼize ue ku thandu dia akua matumbu mua Kristu Jezú. Mbé etu ene oso o polomesa ia Nzumbi tu i tambuile mu kuxikana.

Ngalásia 3:9

O Mbalahamu ua xikana, iá a mu zediuisa kuala Nzambi. Uila kiki, oso akua kuxikana, Mbalahamu mukuâ, a zediua ue kala muène kia mu zediuisile.

Dijingunuinu 15:4

Nanhi u kamba kukala ni uôma ué, eie Ngana? Uebhi, Ngana, ka mesena kutanga o unéne ué? Mukonda eie-muène ngó ubheka ué ukôla! Akua jixi joso a kèza bhu pholo ié mu ku ku ximana, mbata o ikalkalu ié iaiuka, athu enhoso a mu i mona.