Jisálamu 66:3 - O Mikanda Ikola

³ Ambelenu Nzambi: Eie Ngana u kindanda mu kukalakala kué! mukonda dia nguzu ié iavulu, jinguma jé ja-nda kuiza ku ku belesela.

Jisálamu 66:3 Iomraidhean Croise

Jobe 25:2

O kutumina ni kutena kua ngene kua Nzambi, muene u bhangesa kuila ku maúlu ku kala uembu.

Jisálamu 18:44

A ngʼivu ngó fuma, iá eza kiá ku ngi belesela; akua makanga eza ku ngi diundila.

Jisálamu 18:45

Enhó akua makanga, kia ngi mona, a lela kala iangu; eza ni kuteketa a fomoka mu jimbonge jâ.

Jisálamu 47:2

Kuma Jihova, Sukè-ku, u kôla; muene Sobha ia Dikota, u tumina ixi ioso.

Jisálamu 65:5

Ima ia undanda, Ngana, i uene kubhanga mu kuitaia kué ni kidi kié, u Nzambi ietu ia kibhamuenhu; eie a ku dielela katé ku maẋokololo aʼxi, ni kua iá a takuka dikanga ku musanza.

Jisálamu 68:30

Bazela, Ngana, o kiama kiókio kia suamena mu dibu, o jindumbe ni jingalote ku mundu ua matumbu, u titidile bhoxi o itadi iâ ia phalata; a muange muene, kifuxi kioso kiala ni vondadi ia ita.

Jisálamu 76:12

Muene u humbula o kudizangeleka kua makota a jingana; anga u teketesa o jisobha ja mu ngongo.

Jisálamu 81:15

Oso a zemba Jihova, eje kuiza kua muene ni kudiunda; ene-phe o thembu iâ ienhiʼii, ieje kunangenena.

Makatukilu 15:21

Midiiana anga u tambuijila, uixi: Imbidienu Jihova o kikóue kia undanda; kuma ni kabalu ni iú ua sambela-ku, ua a texi mu menha.

Izaía 2:19

Kieneʼokio athu a kà bokona mu mabanda a matadi ni mu makungu bhoxi, mukonda dia kutukuluka kua Jihova kukola, ni mukonda dia fuma ia unéne uê, kioso muene kia kà balumuka phala kudiuanesa oxi.

Izaía 25:3

O kiki kia kà ku fumanesa katé ni ku mundu ua mazonda, o mbanza ia miji ia a-kutênde ia kà ku kuatela uoma.

Izaía 40:26

Bhetulenu-phe o mesu menu bhulu, mu talese. Nanhi ua bhanga o ima ioso iii? Ió u tena kubhangesa kuila kifuxi kiê kutunda mu imʼiii hé u kiʼalula; Ió u tena kuixana o jithéthembua joso ku majina mukonda dia unéne ua nguzu iê, kuma-phe o mu kutena ni mu ku suina muene Ngungu-a-Nzumba, kana-bhu kima ki tena ku di nhunga.

Izaía 64:3

Kala kiná ki ua kexe kubhanga madiuanu a bhingi kiluua tua a mona, ki tua a kingile, kioso ki ua tuluka jinga, milundu anga i di keleka mukonda dia pholo ié.

Jelemiia 10:10

Maji Jihova, muene Nzambi ia kidi-èlele; muene-muène Nzambi ia muenhu, muene Sobha ua kalelà-ku; mukonda dia njinda iê oxi i tunguta, o ifuẋi-phe ilémbua kuximbakata ki mu kuata o kutema.