Jisálamu 66:16 - O Mikanda Ikola

¹⁶ Zenu, mu ivue, enu oso muene mu ẋila Nzambi, ngi mi jimbuile kioso muene, kia bhanga, mù kudila o muenhu uami.

Jisálamu 66:16 Iomraidhean Croise

Jisálamu 34:11

Zenu anandenge, mu ngʼivue; eme ngi mi longe o uoma ua Jihova.

Jisálamu 34:2

Muẋima uami u ta thâthe iê mu dielela ki bhanga Jihova; oso abelesela kia kʼivua, a kala ni ngalasa.

Jisálamu 66:5

Zenu, mu tale o ikalakalu ia Nzambi; muene kilamba mu kutumina anʼathu!

Jisálamu 71:15

Dikanu diami di tanga jinga o kukumbidila kué, ni kubhulula kué, mu kumbi dioso dia kambàmba; sumbala o konda iê nga i lémbua ku ijiia.

Jisálamu 71:18

O ki nga kukʼiki, ngʼedi kiá bobòbo, ni jimvi mu mútue, kana dingi ku ngʼehelela, Ngana Nzambi; katé ki ngi longa o muiji iú ua lelu, kioso ki endesa o lukuaku lué, o oso ue a kèze-ku, nʼa kʼejiie ki kala o kutena kué.

Jisálamu 71:20

Eie ua ngi bhitisa mu jiphaxi ni malamba a vula matelu, eie ua ngi zangumuna dingi, ua ngi bhe muenhu uobhe; ua ngi zaukisa muene mu bòmbo dia kalunga!

Jisálamu 71:24

Mu tanga jinga o kukumbidila kué, dimi diami di sakalala, né mu kumbi dia kambàmba; kuma enhó a lémbua-ku, a diuana, sonhi ja a kuata, oso a sotele ku ngi bhanga o phulu.

Jelemiia 51:10

O kulunga kuetu, Jihova ua ku bheka mu mukengeji; zenu, nda tu ki tange mu Ziione, o kikalakalu kia Jihova, Nzambi ietu.

Malakiia 3:16

Maji kienhiki-phe akua kuxila Jihova enda ni ku di kunda-kiu mudiâ muthu ni mukuá; Jihova anga ua a suua; ua evua; anga u ki soneka mu divulu kuma dilembalelu bhu pholo iê, kua iá akua uoma uê; iá ene mu kuxila Dijina diê.

I Nzuá 1:3

O kima ki tua mono, ki tuevu, kiene ki tua mi tudila o Njimbu iê, phala enu uenu mu kale ku ukamba kumoxi ni etu, uila etu ki tuala mu kidi kiene ku ukamba kumoxi ni Tata ni Monʼê Jezú Kristu.