Jisálamu 65:2 - O Mikanda Ikola

² Eie u mukua kuívua o kusamba, ko kué kuene ku bhongolokela o xitu ioso.

Jisálamu 65:2 Iomraidhean Croise

Izaía 65:24

Anga kia kà bhita, kuila ene kiluua a zubha kuixana, eme nga kʼètaia kiá; kuila ene kiluua ngó a zubha kuzuela, eme ngevuʼami kiá.

Izaía 66:23

Hé kima-phe, tundé kimoneka o mbeje katé kia kà moneka ia mukuá, tundé kia sabhalu katé sabhalu ia mukuá ni kuiza mu bheza bhu pholo iami, eme ngi Jihova.

Jisálamu 86:9

Mbutu joso jʼathu, eie-muène ua a bhanga, hádia a kèza kubheza bhu pholo ié, u Ngana; a kà jingisa o dijina dié.

Jisálamu 66:19

Maji, ni kidi kiene, Nzambi phe ua ngʼivu muene; ua ngi suu o dízui diami dia kusamba.

Jipoxolo 10:31

uixi: Koloneliu, misambu ié Nzambi ua ivu iú ua lembalala ioso i uene kubhanga mu kukuatekesa o jingadiama.

II Malunda 33:13

Anga u mu sambela. O Ngana Nzambi anga o njinda iê kua Manasa i tululuka, anga uívua o kudionda kuê, anga u tona dingi o ku mu bheka mu Jeluzaleme ku ungana uê. Bheneʼobho Manasa anga uijiia kuila Jihova muene Nzambi.

I Jisobha 18:37

Ngʼitaie; u Jihova, ngʼitaie, phala kifuẋi kiki ejiie kuma eie, Ngana u Nzambi muene, ni kuila eiemuène ua vutula o mixima iâ ku dima.

Jisálamu 66:4

Jixi joso ji kala mu ku ku bheza eie, ni ku ku imbila; ji kala mu kuimbila o dijina dié. (Selah.)

Jisálamu 102:17

Ua suu kiá o kusamba kua jihukunhu; kala mu kudituna dingi o ku di tenda kuâ.

Dijingunuinu 11:15

Anju ia kasambuadi anga u xika o koloneta iê. Hé kukala mazui a makota mu diulu, exi: Kiki o Utuminu ua jixi mu ngongo, ua biluka Utuminu ua Ngana ietu, ni ua Kristu iê. Muène kiá ua kà tumina katé ku hàdia ni hàdia!

Nzuá 12:32

Eme se a ngi zangumuna bhoxi, ngi sunga athu oso ko-kuami.

Izaía 49:6

Muene uambe dingi: O kukala ngó u selevende iami, phala kubhangulula ibuka ia Jakobo, ni ku ngi bhekela dingi o masubhu ma Izalaiele, ki kia soko; maji nga ku xikika, nʼu kale u Mukengeji ua akua-matumbu; ua a bhekela kubhuluka, katé ku maẋokololo aʼxi.

Jisálamu 22:27

Katé ku maẋokololo a jixi athu a xinganeke, a vutuke kua Jihova; mbutu joso ja athu, eze a bheze bhu pholo iê.

I Jisobha 18:29

Anga ki bhita-phe kuma, kia bhiti kaxaxi ka kizuua, kumbi ku mediia dia sembuluka-ku kiá, ene a kuata kuzambula katé mu ola ia kubhana mubhaku ua musa ku ngoloxi, hanji-phe ki kuene dízui, ki kuene kuitaia mba ngó ku a suua.

Jisálamu 66:13

O ki ngalʼiki, ngi bhixila mʼonzo ié ni jisata ja kuoha; ngi bhana muene kioso ki nga di hambelela kokué.

Jisálamu 116:14

Ngi futa jipolomesa jami, ji nga plometela kua Jihova, ngi ki bhanga muene bhu pholo ia mundu uê uoso.

Jisálamu 116:18

Ngi futa jinga jiplomesa jami, ji nga polometela kua Jihova, ngi ki bhanga muene bhu pholo ia mundu uê uoso;

Nahumu 2:1

O Mubuikixi ua ku kala kiá ku pholo ié; eie-phe langa o mbonge, ta alangidi mu njila, suína u di kute bhu kinhonga, handamana muene kioso ki ua tena.