Jisálamu 61:8 - O Mikanda Ikola

⁸ Kienhiki ki ngi bhangesa kuila ngi ximana jinga o dijina dié, ngi kumbidila jinga izuua ioso o jipolomesa jami.

Jisálamu 61:8 Iomraidhean Croise

II Samuuele 15:20

Kuma eie mazá ueza, kifua lelu ki tokala ngi ku bheka dingi mu bungana ni etu, eme mueneʼami ku nga mu kuila manhí? Vutuka eie muene, ni jiphange jé vutuka-nâ kumoxi; ni kiadi-phe ni kidi ki kale bhuoso bhu uala.

Jisálamu 146:2

Katé bhuoso bhu ngà laiela, nuka ngà kamba kuximana Jihova; ngimba jinga o diximanu dia Nzambi iami, katé bhua kà ngi suka o muenhu uami.

Jisálamu 30:12

Phala o muenhu uami u ku imbile jinge o diximanu, ki ngi dixibhe; u Jihova, Nzambi iami, eme ngi ku bhana jinga jiphembele izuua ioso sé kuzumbuka.

Jisálamu 40:12

Kuma mavuua ma vudila-ku ma ngi phopheka; o ikuma iami ia ngi kaie, ia ngi kuata, katé ki ngi tena ngó kubhetuluka. O ikuma iami kota mu kuvula, jindemba mu mútue uami ndenge. Kia bhekesa muẋima uami kuia ku kiambu.

Jisálamu 65:1

Jiphèmbele ja ku xikamena mu Ziione, Ngana Nzambi; jipolomesa ji tokala a ji kumbidila ko kué.

Jisálamu 71:22

Bhabha eme ue, ngi kuata ku ku ximana jinga ni kakoxi, mbebhu o kidi kié, u Nzambi iami; ngi ku imbila jinga o mimbu ni mbànza, u Muthu Ukôla, Uangene ua Izalaiele.

Jisálamu 79:13

Phala etu, Ngana, tu povo ié, tu jimbudi jé ja kilunga, tu kale mu ku ku sakidila jinga, ni kutumbula o diximanu dié ku miji ioso.

Jisálamu 89:5

Eie, u Jihova, ni kilômbo kia diulu kia kà ximana o madiuanu mé; o ufiiele ué a kà u tumbula bhu kionge kia athu aiuka.