Jisálamu 61:7 - O Mikanda Ikola

⁷ Emanenè-ku muene bhu pholo ia Nzambi; Eie, Ngana, tuma o henda ié ni kidi kié i mu inge.

Jisálamu 61:7 Iomraidhean Croise

Dimatekenu 24:27

Uixi: A tane-ku! Jihova, Nzambi ia muadiʼami Mbalahamau, ka zúmbuka ku henda iê ni kidi kiê iedikiza jinga muadiʼami; eme bhabha Jihova ua ngendesa muene mu njila mu ngejila, iú ua ngi bheka bhu bhata dia ji-phange ja ngana iami.

Dimatekenu 32:10

ngi muthu ki nga fuama, né kòfele, ku ngi bhanga jihenda josoʼiji, ni kidi kioso ki ua ngi bhanga, ngi mubhikʼé; kuma ki nga zaukile Njolodá mueniú, ngʼambatele ngó mbangala; kiki phe nga di bhange ngi ilombo iiadi.

II Samuuele 7:26

Dijina dié di fumane jinge sé dizubhilu, phala aie ni ku ki tanga kuma: Jihova dia Ifuẋi, muene Nzambi ia tambula konda ia Izalaiele; o dibhata dia mubhikʼé Davidi dià tungiua bhu pholo ié.

Jisálamu 21:5

Fuma iê iavulu mukonda eie ua mu bhulula; eie ua mu te dibete dia ujitu ni ungana.

Jisálamu 40:11

Eie ue, u Jihova, ku fule ku ngi ta muẋima ni jihenda jé; o kiadi kié ki ngi kale ku mbandu joso, ni kidi kié.

Jisálamu 41:12

Eme-phe bhabha, ua ngi bhana o kulaia, mukonda ua ngi mono o kulúnga kuami, eie ua ngi bhana o kuimana bhu pholo ié, katé ku hádia ni hádia.

Jisálamu 43:3

Ngi tumikise, Ngana, o mukengeji ué, ni kidi kié, phala a ngi tuamenene o njila; a ngi bheke ku mulundu ué ukôla, ni ku dibhata dié, kuala o jibalaka jé.

Jisálamu 57:3

Muene ku diulu u katula uzonda ua ku ngi bhulula mu lusebu, mua ngi bhake ió uandala o ku ngi dia. (Selah.) Nzambi u ngi tumikisa muene o henda iê ni kidi kiê.

Jisabhu 20:28

O kubhanga mbote ni kukaiela o kitongola, iene ima i fikidila sobha; o kiandu kiê ki di fikidila mu ubatuilu ua mbote.

Mikeia 7:20

Mu kienhiki, Nzambi ua kà londekeza o ufiiele uê kua Jakobo, ni henda iê ia kuatela Mbalahamu, kala kia lokelele o jitata jetu tunde mu izuua ia xahúlu.

Luka 1:33

Muène ua kà tumina o dibhata dia Jakobo katé ni ku hádia. O Ungana uê ki uá kà-bhua dingi.

Jihebeleu 9:24

Kuma Kristu ka bokona mu Kididi-Kikôla kiokalakale ku maku ma athu, ki fikisa ngó mu kidi o Kididi-Kikôla. Maji ua bokona muene ku kidi mu diulu, iú ua tu imanena kindala bhu pholo ia Nzambi mu ku tu diondela.