Jisálamu 60:2 - O Mikanda Ikola

² Ixi ua i teketesa, ua i tandujula; saka, Ngana, o misula iê, kuma hanji iii tunguta.

Jisálamu 60:2 Iomraidhean Croise

II Samuuele 22:8

Bhenhobho ixi anga i tunguta, i kala mu zemana, madisesa ma diulu ma zamba, anga ma tunguta, mukonda njinda ia mu kuata.

II Samuuele 8:1

Kia bhiti imʼii, Davidi u beta akua Fidíxia, hé u a tolola; o kijingo kia kutumina mbanza iâ ia dikota, u ki tambula bhu maku ma akua Fidíxia.

I Malunda 18:12

O Abisai ue, mona a Zeluia, uajibha iu ua tolola ku akua Idomo kuinhi ni nake dia midi ia mala mu Dikôlo dia Môngua.

I Malunda 18:3

Davidi ue ua jibha Hadale-Ezele, sobha ia Zoba, bhu mbandu ia Hamate, kioso muene kia mu-ia mu kuatesa dingi o ungana ua utuminu uê ku honga ia Eufalate.

I Malunda 18:5

Anga ku Damasku kuiza akua Sídia mu kukuatekesa Hadale-Ezele, sobha ia Zoba; Maji Davidi-phe ku akua Sídia ujibha-ku makuinhi aiadi a midi ia muthu ni midi jiiadi.

II Malunda 7:14

o ki kala-phe o mundu uami, kituxi kiʼexana mu dijina diami, a di bhomba kokuami, anga a samba, a sota muene pholo iami, o ku jinjila jâ ja ibha anga a tunda-ku, kieneʼokio-phe eme ku maúlu nga-nda ku a evua, anga ngi loloka ituxi iâ, o ixi iâ ngi i saka.

Jobe 5:18

Mbata muene se u bhanga fidila, muene-muène u i tumbʼê dingi: muene se ua kuama, maku mê ene muene a saka.

Jobe 9:6

Muene u tena kusondolola o mavu bhu kididi kiê, anga ngunji jê ji tunguta muène.

Jisálamu 104:32

Ua bhingi se oxi u i zongola, i teketa; milundu u i bhabha, i fuafua dixi.

Jisálamu 114:7

Teketa muene u ixi ia kimi, bhua ku tukulukila muene Ngana, bhu ua mono o pholo ia Nzambi ia Jakobo.

Jisálamu 18:7

Bhenhobho ixi i tunguta, hé i teketa; madisesa ma milundu ma setuka bhu kididi; kua teketa mukonda njinda ia mu kuata.

Jisálamu 89:40

Imbaka iê ioso ua i bula-bula; o jimbonge je joso ua ji sengulula.

Makatukilu 15:11

Ku jinzambi nanhi muene u soka ni eie u Jihova? Mukuenu nanhi u kôla kiki mu kuzela ni kuiuka, kilamba ki kuata uoma, mukua kubhanga madiuanu?

Izaía 30:26

O mueji ua mbeje ua kà soka ni muanha, o muanha uene ua kà di bandekeza lusambuadi mu kútua, mukuâ ni muanha ua sambuadi dia izuua ua di lunjika kumoxi; kiki ki bhita bhu kizuua kia Jihova, kia-nda ku sokejeka o mundu uê ua budijika, ni kia tumba o kilônda kiâ.

Izaía 5:25

Ki kia bhangesa o njinda ia Jihova ku uama ku thandu dia mundu uê, iú ua sunununa lukuaku luê, iú ua a bhana kaxitiku, katé ni milundu ia teketa; o imbi iâ iedile kala maxita muʼaxaxi ka nzunga; ku thandu dia iosuʼiii, njinda iê ki ia suku, maji lukuaku luê hanji ua luʼoleka.

Izaía 7:8

Inda o Damasku muene ua kala mútue ua Sídia. O muadiakimi mu Damasku, Lejime; Ifalaími-phe, katé bhu bhuila makuinhi asamanu a mivu nʼitanu ngi mu tolojola, ka kala dingi kifuxi.

Jelemiia 10:10

Maji Jihova, muene Nzambi ia kidi-èlele; muene-muène Nzambi ia muenhu, muene Sobha ua kalelà-ku; mukonda dia njinda iê oxi i tunguta, o ifuẋi-phe ilémbua kuximbakata ki mu kuata o kutema.

Jelemiia 14:17

Uila kiki a tangele maka iâ: Muanha ni usuku mesu mami ma kuate kienhiki o ku lundulula kisoxi, ki ma zumbuke; mbata kilumba kia muzeletete, monʼa mundu uami, a mu kuama kiavulu, kilonda kiê kia xixima kinéne.

Jelemiia 30:17

Mukonda o kudisanza kué nga-nda ku ku vutuila-ku anga ngi saka o itoto ié, eme ngi Jihova, kuma ala ku kuixana: Na kahukunhu, ni kuila exi: Na Ziione, mukonda ka moneka dingi muthu u muʼibhula.

Jelemiia 4:24

Tala, nga kengelela milundu, nga i mono i teketa; o malundu me moso ma di nhika-nhika.

Jelemiia 48:38

Bhu thala dia jinzu joso ja Mouabhe ni mu jinzunga mua kà kala kibulukutu kia dilamba kua ene oso; mukonda Mouabhe nga mu bulu kala kitutu kia kambe kuiuka, eme ngi Jihova.

Kuditenda 2:13

Ngi ku tela umbangi uahi? Eie kilumba, monʼa Jeluzaleme, ngi ku fikisa ni nanhi? Ngi kuila ngixi o ki ualʼiki kia bhitile kiá kua nanhi, ni ngi ku bhetuila-ku o muẋima, eie kilumba kia muzeletete, tata, mona Ziione? Mukonda o divuua dié dia vudilà-ku mukuâ ni kiakulu o kizanga kia kalunga, mukuahi u ku bhandulula?

Izekiiele 34:16

Ioso ia jimbila ngi i kenga, o ia di texi ngiza na-iu dingi, o ia bukula kinama ngi i tá mu kitanda, o ia kate ngi i tumba; maji o ia nete, ni iii ia vulu o nguzu ngi i jimisa o mbutu; kuma nga-nda ku jʼinga ni kilunji.

Hozeia 6:1

A kèla: Izenu, tu alukile kua Jihova, mukonda muene ua tu sasujula, muene ue ua-nda ku tu ilula; kia tu kuamʼiki, kiene ue kia tumba o fidila ietu.

Amoji 8:8

Mukonda dia kienhiki, ixi i kamba kuteketa? Oso a tungu momo a kamba kudila? Mavu oso a kà zangumuka muene kala kingiji kiónene; a kà di takula kala ngiji ia di bhange masenza, anga hungulule iê i bhubhuluka dingi mukua ni ngiji ia Ijitu.

Habakuke 3:10

O milundu ia ku mono, ì ia teketa; kua bhiti kihungulule kia menha; o dikungu dia mukiukuluku, ki di moneka hole, a dʼivu dízui diê ni kuleka muene o maku mê bhulu.

Matesu 27:51

Kibatulu kia Tembulu anga ki tanduka mu ʼaxaxe, tunde ku thandu katé bhoxi. Oxi anga i tunguta, matadi ma baza;