Jisálamu 6:9 - O Mikanda Ikola

⁹ Jihova ua ngʼivu kiá o kudionda kuami; Jihova ua xikina o musambu uami.

Jisálamu 6:9 Iomraidhean Croise

II Malunda 34:27

Kuma o muẋima ué eie ua teketa, eie ua tolokela Nzambi, kioso ki uevu o maka ma tange kubhanga o kididi kiki, ni ió oso a tungu-bhu, eie ua toloka bhu pholo iami, eie ua tandula o izuatu ié, eie ua ngi didila, eme ue nga kuivu, kienhiki kiene kiambe Jihova.

Jisálamu 118:5

Bhu kíbhidi bhu nga kexile, nga dikola kua Jihova; Jihova uetaia, ua ngi bheka bhu kididi kiadisanze.

Jisálamu 120:1

Mu kubhondalala kuami nga dikola kua Jihova, muene iú ua ngʼivu.

Jisálamu 138:3

Kizuua ki nga dikola, eie uetaia kiá; ua ngi bhana dingi huii ku muẋima moxi.

Jisálamu 3:4

Nga suína dízui ni ku dikola kua Jihova, muene-phe ua ngʼitaia ku mulundu uê ukôla. (Selah.)

Jisálamu 31:22

Nga zuela ngó lusolo, kia ngi kuata hele, ngixi: Eme nga fu-ó, ku mesu mé nga-nda kubhua-ku! Maji kiene kimoxi, eie ua ngʼivu dízui kioso ki nga dikola ko kué.

Izaía 38:5

Katuka, uambele Ezekiia: Eme Jihova, Nzambi ia Davidi dia tatenu, uambe kiki: Musambu ué nga u ivu, ni masoxi mé nga ma mono; talesa-phe, ku izuua ié ngi ku bandekeza-ku kuinhi dia mivu niʼtanu.

Kuditenda 3:56

Eie dízui diami ua dʼivu; ku sueke o dítui, nʼu kambe kuívua o kuzuluma kuami, ni ku dikola kuami.

Jona 2:2

uixi: Mu dilamba diami nga dikola kua Ngana, muene ua ngʼitaia; mu mala dia mukiukuluku nga dikola, eie ua ngi-vu dízui diami.

Jona 2:7

Kioso muenhu uami moxi ki ua botomoka, eme nga lembalala dingi Jihova; o musambu ua kudikola kuami ua bhiẋila kó kué mu Tembulu ié ikôla.