Jisálamu 6:2 - O Mikanda Ikola

² Ngi kuatele henda, u Jihova, kuma nga bhele, nga xoueta; u Jihova, ngi sake; kuma ngala kukata katé ni mu ifuba.

Jisálamu 6:2 Iomraidhean Croise

Dimatekenu 20:17

Mbalahamu anga u samba kua Nzambi; Nzambi anga u saka Abimeleke, ni mukajiʼê ni anʼa ahatu ku mbèle iê, a kala dingi mu vuala ana.

Jobe 19:21

Ngi kuatedienu henda, enu makamba mami, tata, ngi kuatedienu henda! kuma lukuaku lua Nzambi lua ngi tula!.

Jobe 5:18

Mbata muene se u bhanga fidila, muene-muène u i tumbʼê dingi: muene se ua kuama, maku mê ene muene a saka.

Jisálamu 22:14

Nga ẋamuka kala menha, ifuba iami ioso ia ngi sokomoka; muẋima moxi ua ngi botomoka, ua sengumuka muene kala sela.

Jisálamu 30:2

Jihova, Nzambi iami, nga dikola ko kué, phala ku ngi banda, eie-phe ua ngi sake.

Jisálamu 31:10

Kuma o muenhu uami uala kubhuila mu mukondo, o mivu iami i ibhua ngó ni kukema; nguzu ia ngi bhu ni kuteketa, kingumba o malamba; mukonda dia kutondala kuami, ifuba ia ngi sokomoka.

Jisálamu 32:3

O ki ngedile ngi dixibha, ni ifuba moxi ikala ni kutuza, ngi kala mu kumba izuua ioso.

Jisálamu 38:2

Kuma o misongo i ua ngʼase, ia ngi kuata muene; o lukuaku lué lua ngi tula ni kunema.

Jisálamu 38:3

Mu jixitu jami ki mua ngi kala dingi kima kia disanze, mukonda dia kuluuala kué ku ua ngi luualela; mu ifuba iami ki muala dingi kutululuka, mukonda dia ituxi iami i nga te.

Jisálamu 38:7

Kuma mu mbunda mua ngʼizala ni misusu ia kutemanana; o mu jixitu jami ki muala ngó kima kia disanze.

Jisálamu 51:8

Phala ngi kale dingi ku ngalasa ni kutululuka; o ifuba i disanze dingi i ua bukujula.

Makatukilu 15:26

Hé u a ambela, uixi: Se u ívua kiambote o dízui dia Jihova, Nzambi ié, hé u bhanga kioso kia mu iukila ku mesu mê, ni u bhana o dítui ku itumu ié, hé u aiuka o ijiia iê iene ioso, ki ngi te dingi mahaxi ku thandu dié, né uhaxi umoxi ku mahaxi oso u nga te ku thandu dia akua Ijitu; kuma eme ngi Jihova, eme-muene ngi ku saka.

Jelemiia 10:24

Ngi bete, eie u Jihova, maji u ngi fikixila, kana kia fuama mu njinda ié, phala ku ngi jime o mbutu.

Jelemiia 17:14

Ngʼilule, Jihova, phala ngʼiluke: ngi bhulule, phala ngi bhuluke; mbata eie u diximanu diami.

Hozeia 6:1

A kèla: Izenu, tu alukile kua Jihova, mukonda muene ua tu sasujula, muene ue ua-nda ku tu ilula; kia tu kuamʼiki, kiene ue kia tumba o fidila ietu.

Dialuilu 12:13

Mozé anga u di kola kua Jihova, uixi: Nzambi, mu sake, nga ku diondo.

Matesu 4:24

Fuma iê anga i sambuka mu Sídia ioso. Hé a kala ku mu bhekela jihaxi joso, a vulu makukata, ni iá a saluka ni madimonho, ni iá a kate kikonha, ni iá a kate kila; ene oso anga u a saka.

Matendelelu 32:39

Mu ngi tala-phe kiá: Eme, Eme-muène ngó Nzambi; ki ngala dingi ni mukuetu, Eme ngi jibha, Eme ue ngi phaphumuna; Eme ngi kuama, Eme ngi saka; ki kuala u ngi ẋangumuka bhu lukuaku luami.