Jisálamu 6:10 - O Mikanda Ikola

¹⁰ Jinguma jami joso a-nda kudiuana, sonhi ja-nda ku a kuata; kindala a-nda kuvutuka ni dima, anga a kotokela ni jisonhi, ka-nda kumona kuoso kua di tela.

Jisálamu 6:10 Iomraidhean Croise

II Jisobha 20:5

Vutuka uambele Ezekiia, o mutumini ua mundu uami, kuila: O Jihova, Nzambi ia tatʼenu Davidi uambe kiki: O musambu ué nga uivu, ni masoxi mé nga a mono; tala-phe eme nga-nda ku ku sakula; o mu kizuua kia katatu ua-nda kubanda mʼonzo ia Jihova.

Jobe 6:29

Ngi fundisienu dingi luamukuá, nga mi diondo, ki ki kala kituxi, kana; ngi fundisienu, kuma mu mulonga iú o kidi kiami kiene kia-nda kutolola.

Jisálamu 112:10

O kisuéia-phe u ki mona mesu, hé ki mu iibhila; hinu u kokota mazu, u botomokena bhobho; kuma o vondadi-phe ia kisuéia hádia a i kakula.

Jisálamu 132:18

Nguma jê ngi ji zuika jisonhi ni kusebuka; o muene-phe kitundu kiê ki kala mu luendela.

Jisálamu 2:5

Kindala u a temena ni njinda, hé u a bhuuika mu kuluuala kuê.

Jisálamu 25:3

Kana bá! oso a ku kinga eie ka tena kukakuka; a kakuka kikale ió a baluka ni kubhuma.

Jisálamu 35:26

A kakuke, ene, a diuane, sonhi ja a kuatele kumoxi, oso a bhindamena ku ngi kuama; a kale ni jisonhi ni kusekala kala kizuatu, oso a di kaka mu ku ngi bhanga eme o phulu.

Jisálamu 5:10

A êlese ku mulonga, eie u Nzambi; nda a di bhale mu jipangu ja di longesa mudiâ; a kaiese, Ngana, mukonda dia kubhukumuka kuâ kuavulu; kuma eie muene, u Ngana, a ku kitukila.

Jisálamu 55:20

Muenhó ua zengela maku mê ku akuá a kexe-nê kiambote; o kikutu kia ukamba ua ki fukula.

Jisálamu 7:6

Balumuka, u Jihova, mu njinda ié; imana mu bateka ió asaluka ni ku ngi seia; phaphumuka mu ku ngi zuelela, kuma mulonga uami eie-muène ua ku tokala.

Jisálamu 71:13

Enhó a kakule, Ngana, a buidise muene, oso ala ku ngi séia o muenhu uami a sebuluke, a jingunuke, ezale ni jisonhi, oso a mesena ku ngi bhanga o phulu.

Jisálamu 71:24

Mu tanga jinga o kukumbidila kué, dimi diami di sakalala, né mu kumbi dia kambàmba; kuma enhó a lémbua-ku, a diuana, sonhi ja a kuata, oso a sotele ku ngi bhanga o phulu.

Jisálamu 73:19

Kindala muene athu bhua kexile a-bhu-bhu; a diuana kisuma, ajimuka ni kimbulambula.

Jisálamu 86:17

Ng, idikize kijimbuete kia mbote i ua-nda ku ngi bhanga, phala oso a ngi zembe-ó a ki mone, a kale ni jisonhi. Mukonda eie u Jihova ua ngi kuatekesa, eie ua ngi kondo o malamba.

Jisabhu 29:1

O muthu uila: Lelu a mu bazela, mungu, a mu bazela, sè kueha o njila iê, maji u kolesa o muẋma uê, hinu u tukumuka a mu jimi o mbutu, sè ngó bhua bhulakela.

Izaía 26:11

Jihova, tata! Sumbala lukuaku lué lua zangalala muene, maji ene hanji a tokoka ku lu mona! Maji-phe, a kà lu mona anga adiuana, mukonda dia muanu u ua kuatela o mundu ué; o túbhia-phe hádia tua kà buikisa o jinguma jé.

Jelemiia 20:11

Maji-phe o Jihova uala ni eme, mukua ni dizonda dia manekena ita; kienhiki, o ió a ngi langata, a-nda ku di bhukana, ka-nda kutena kutolola; sonhi ja-nda ku a kuata kinéne; mukonda ka bhange ima ia kubhanduluka, a xikamena jisonhi ji nagenena ki ji xikina ku ji jimba.

Malakiia 3:18

Bhenhobho bhene bhu mua kà mona dingi o katungu ka muthu uaiuka, ni mukua ituxi ua bhukumuka; ni bhu kaxi ka ió ubheza Nzambi, ni iú ua ditunu ku mu bheza.

I Tesalonika 5:3

Bhuala kuila athu: Kuma kua batama, kua tululuka, a kà tukumuka kibuika kiâ kia tula! Kia kà kala ue mukuâ ni muhatu ki mu kuata o mika ia kuvuala, kana bhuma bhua bhitila nʼa lenge.