Jisálamu 59:9 - O Mikanda Ikola

⁹ Mukonda eie u nguzu iami, eme ngi ku suua eie; kuma eie u Nzambi, eie u ditala diami dia kulengela.

Jisálamu 59:9 Iomraidhean Croise

Jisálamu 2:4

Ió ua xikama ku maúlu ua olela; Ngana anga u a bhanga kasekelu.

Jisálamu 20:1

Jihova a ku ivue bhu kizuua kia kíbhidi; dijina dia Nzambi ia Jakobo di ku kale ditala dia di leka.

Jisálamu 27:1

Jihova muene umuikinu uami, ubhulukilu uami; ngi kala-phe ni uoma ua nanhi? Ngana muene ua ngi bhana o nguzu ia kukola muenhu, uebhi-phe ngi mu kala ni hele?

Jisálamu 27:14

Ngana, se kua mu mono, mu kinge; kolokota, muẋima u kuate nguzu iobhe; nga ku ambela muene, Ngana se kua mu mono, mu kinge.

Jisálamu 46:1

Nzambi dilengelu dietu, nguzu ietu, kota dia dikuatekesu dia zukama mu jiphaxi.

Jisálamu 46:7

Jihova dia ifuẋi tuala-nê kumoxi; o Nzambi ia Jakobo kimbaka kietu. (Selah.)

Jisálamu 59:17

Eie, Ngana, hinu ngi ku ta ku mukumbi, eie u Nguzu iami; kuma Nzambi muene o ditala diami dia kulengela, muene Nzambi iami ia jihenda.

Jisálamu 62:11

Nzambi ua zuela kima kimoxi; eme nga kʼivu muene luiadi: Kuma o kutena kua ngene kua Nzambi.

Jisálamu 62:2

Nzambi muene ngó o ditadi diami di ngi bhana muenhu; kua muene ku nga kondamena, ka ngi zambesa kiavulu, kana!

Jisálamu 9:9

Jihova muene o mbonge ia matala, mu lengela ió oso a a tatesa; muene kididi kiakondama mu thembu ia jiphaxi.

Izaía 12:2

Talesa-ze, Nzambi muene ubhulukilu uami; eme, muene ngi mu dielela, ki ngi kalʼami ni uoma; mukonda o Ngana Nzambi, muene nguzu iami, muene mukumbi uami, iu lelu ua di-bhange kibha-muenhu kiami.

Izaía 40:31

Maji oso a kinga kua Ngana-phe, a tambula nguzu iobhe, a di-leka ku mabhabha kala jiholokoko; alenga sé kuzônda, enda muene sé ngó kubhuila.

Izaía 58:14

kienhókio ua kà sangulukila mua Jihova, eme-phe ngi ku tudika ku ididi ia di-leka mu ngongo, hé ngi ku dikila ni undundu ua tatʼenu Jakobo; kuma dikanu dia Jihova dia ki tange.

Habakuke 3:19

Jihova, Nzambi, muene nguzu iami, muene ua kà suinisa inama iami ni i sokela ni ia jihoha ku milundu, ua kà ngendesa mu ididi ia di leka!

Matesu 6:13

Ku tu ehele kudibhala mu kudianguka, maji tu kudile ku Dimonho; mbata ungana ué Eʼ muène, ni nguzu, ni fuma sè dizubhilu. Amén.