Jisálamu 59:1 - O Mikanda Ikola

¹ Ngi kudile ku jinguma jami, eie u Nzambi iami! ngi bhake ditala dia di leka, mukonda dia athu ala ku ngi sota.

Jisálamu 59:1 Iomraidhean Croise

Jisálamu 12:5

Mukonda-phe dia ngadiama a mu tatesa, mukonda dia kukema kua phulungu a mu bondeleka, ngi balumuka kiá, eme Jihova; ngi mu bhaka bhua kondama a mu tobhesa kiki.

Jisálamu 143:12

O mu kulenduka kué, enhó, o jinguma jami, a vuze muene nda a jime mbutu; buikisa, Ngana, oso a mu bhondeleka o muenhu uami, kuma eme ngi selevende ié.

Jisálamu 143:9

Ngi kudile, u Jihova, ku jinguma jami, mukonda ko kué kuene ku ngi lengela mu ku di sueka.

Jisálamu 18:48

Muene ua ngi kudila ku jinguma jami, ua ngi bhake ditala, ene ka tena-bhu, oso ala ku ngi sota; ua ngi tambula ku kiiala kiasuina.

Jisálamu 20:1

Jihova a ku ivue bhu kizuua kia kíbhidi; dijina dia Nzambi ia Jakobo di ku kale ditala dia di leka.

Jisálamu 57:1

Ngi kuatele henda, Ngana Nzambi, ngi kuatele henda; mukonda o muenhu uami ua suamena ko kué; kiene muene, eme ngi di kondela mu kilembeketa kia mabhabha mé; katé ki zubha kubhita o mavuua osoʼá.

Jisálamu 58:1

Kífua mua zuela, kidi, enu mu afundixi? Muala kufundisa kiambote anʼathu mu ngongo?

Jisálamu 71:4

Eie u Nzambi iami, ngi tambule, bhu maku a kisuéia, bhu maku a muthu u dia mangonha, ua kake o muẋima!

Jisálamu 91:14

Mukonda ua ngi naminina ni henda, eme-phe, ngi mu kudila; ngi mu tudika ditala, ka mu tena, mukonda ua ngʼijiia o dijina.

Izaía 33:16

O muthu iú ua kà tunga kididi kia di-leka; disuamenu diê, o jimbongo jótunge ku matadi; a mu bhana jinga kúdia kuê, o menha mê ma kalé.