Jisálamu 57:8 - O Mikanda Ikola

⁸ Phaphumuka, eie u muenhu uami moxi! Phaphumuka, kakoxi ni mbànza! Eme-muène ue ngi phaphumuka mu kimenemene munhá!

Jisálamu 57:8 Iomraidhean Croise

II Malunda 20:28

Anga eza mu Jeluzaleme kʼonzo ia Jihova ni kuxika tukoji ni jimbânza ni jikoloneta.

Jisálamu 150:3

Mu ximanienu ni dízui dia koloneta; mu ximanienu ni kakoxi ni mbànza.

Jisálamu 16:9

Kala kiki, muẋima uami ua tana, dimi diami dia sanguluka, katé ni xitu iami hinu i kala bhua kondama.

Jisálamu 27:6

Ki bhangesa mútue uami u bhetuka, jinguma ja ngi bhindamena ngʼa muena ngó bhoxi; anga ngi bhana mu balaka iê jisata ja kusakidila; ngimba mikumbi, ngi sanguluka mu kuximana Ngana.

Jisálamu 30:12

Phala o muenhu uami u ku imbile jinge o diximanu, ki ngi dixibhe; u Jihova, Nzambi iami, eme ngi ku bhana jinga jiphembele izuua ioso sé kuzumbuka.

Jisálamu 43:4

Phala ngi bhixile bhu kalatódio ka Nzambi, kua Nzambi uène o kusanguluka kuami kua dikota; o mu ku ku ximana, ngi ku imbila ni kakoxi, u Nzambi, Nzambi iami, tata!

Izaía 52:1

Phaphumuka, phaphumuka eie Ziione, u zakele uzonda ué; Jeluzaleme, u diembu diangene, zakela kuma momué nuka dingi mua ká bokona muthu kʼa mu saie mba kifusa.

Izaía 52:9

Uenu bulukutu ni kuimba, tumbujukenu bhuamoxi, enu mu jingùndu ja Jeluzaleme; mbata Jihova ua kondo malamba ku povo iê; iu ua kula Jeluzaleme.

Jipoxolo 2:26

Kienʼiki muẋima uami ua tana, dimi diami dia sanguluka; katé ni xitu iami i tunga ni kudielela;

Afundixi 5:12

Phaphumuka, phaphumuka, eie Debola! Phaphumuka, Phaphumuka, u kuate kuimba muimbu, balumuka, eie Balake, monʼa Abinouamu, u kute enhó a ku kutile eie!