Jisálamu 57:6 - O Mikanda Ikola

⁶ Kuma a ngi tela uanda ua ku ngi kuata o inama, ni muẋima moxi ua ngi zondo; a ngi kandeia diela mu njila mu ngi bhita, iá-phe a dibhadiâ-mu ene. (Selah.)

Jisálamu 57:6 Iomraidhean Croise

I Malunda 29:10

Mukonda dia kiki, Davidi kia mu bhekela kuximana Nzambi bhu pholo ia kionge kioso, uixi: Tana-ku, eie u Jihova Nzambi ia tatʼ etu Jakobo, ku mivu ni minginda!

I Malunda 29:11

Unéne ué eie u Jihova, ni kutena, ni kijingu, ni kutolola ni ungana. Mukonda ima ioso ié-eie u Jihova, eie u Suke-ku uala ku thandu dia ima ioso.

Jisálamu 108:6

Mukonda anʼé a jihenda a bhingi ku a kudila, tu bhulule ni lukuaku lué lua dilu, u tu vutuile.

Jisálamu 140:5

Akua izala ió a ngi tela mabhebhe ni múkala; a ngi fika kúfua mu uanda ua mikolo ua ngi tela; a ngʼolekela mibhetu ku mbanduʼa njila.

Jisálamu 142:3

Kioso o muẋima uami moxi ki ua ngi kala ni kubhondalala, eie-phe uejiia kiá njila ioso i nga tokala kuila, kuma mu njila i nga kuata, a ngi tela-mu mubhetu.

Jisálamu 143:4

Kala kiki, nzumbi iami ia xala mu kubhondalala, o muẋima moxi, ua ngi bhuuama!

Jisálamu 145:14

Jihova u balumuna oso a di bhale, hé u bhetula oso a zeka bhoxi.

Jisálamu 42:6

Eie, Nzambi iami, tata! muẋima moxi ua ngi bhuila! kʼiene ki ngala ku ku banzela ku makanga, ku thála ia Njolodá, mu mbetekete ia mulundu ua Helemone, mu kutunda bhu kalundu ka Mizale.

Jisálamu 8:2

Mu kuzuela ku tunda mu kanu dia anʼauisu, ni tuana hanji bhu maku, eie uidikisa ue nguzu; mukonda dia ió a ku zembe; phala o nguma, ni ió mukua phonzo, a lémbue kia kuvutula.

Jisabhu 28:10

Muthu uoso u bhangesa kuila athu a iuka u a luezesa anga a kutuka njila iaiibha, muene-ku ua-nda kúfua mu diêla diê dia kande; maji athu aiukʼó, o mbote a i lundula muene.

Jisabhu 29:5

Muthu uoso u kuata kuhanza mukuâ, phala ngó ku mu kuata kafua-pholo, kiókio ua mu zalela uanda mu njila.

Mikeia 7:2

Athu akua kubhanga o mbote mu ngongo a jimuka-mu, o ua iuka muʼaxaxe ka athu ka moneka dingi; enhoso aia ni kubatamena phala kubhubhisa manhinga, muthu uia ni kutomba phangʼié ni uanda.

Dialuilu 14:21

Ni kidi muene-phe, ki ngedi eme ngi muthu ua muenhu, ixi ioso hádia ia kèʼzala ni fuma ia Jihova;