Jisálamu 53:5 - O Mikanda Ikola

⁵ A tukumuka-phe uoma ua a kuata, sumbala kingumba ki ki moneka; kuma Nzambi ua muange ifuba ia ió oso ejiie ku ku lokalala; jisonhi ja a kuata, mukonda Nzambi ua a tobhesa.

Jisálamu 53:5 Iomraidhean Croise

Jobe 15:21

Mitendu i kuatesa uoma iala mu mátui mê; katé ni mu izuua ia mbote ku muʼ ʼiza kingumba ki mu tukumuisa.

Jisálamu 14:5

Hinu bhu kala kizuua kiâ kia di uana, anga ezala ni uoma; kuma Nzambi uala ni muiji uoso u mu xila muene.

Jisálamu 141:7

Mukuâ ni ibhasu ia matadi ia di muangena mu kikoka, kiene ue ifuba ietu ia sekumuka ii ia di muangena bhu kanga, dia kina.

Jisálamu 2:4

Ió ua xikama ku maúlu ua olela; Ngana anga u a bhanga kasekelu.

Jisálamu 35:26

A kakuke, ene, a diuane, sonhi ja a kuatele kumoxi, oso a bhindamena ku ngi kuama; a kale ni jisonhi ni kusekala kala kizuatu, oso a di kaka mu ku ngi bhanga eme o phulu.

Jisálamu 35:4

A lémbue-ku, a kale ni jisonhi, oso ala ku ngi seia o muenhu uami; a vutuke ni dima, a bhuuame, oso a bhindamena o ku ngi kuama.

Jisálamu 40:14

Enhó a kakuke, a diuane, sonhi ja a kuate muene, oso a bhindamena ku ngi seia o muenhu uami ni ku ngi jibha; a bhese lusolo Ngana, a kuatese jisonhi, oso a-lu sota ku ngi bhanga phulu.

Jisálamu 73:20

Mukuâ ni nzoji, ki u thathumuka ku kilu, kiene ue Ngana, ki u balumuka, eie u a kita mukuâ ni izuzúmbia ia hatu!

Jisabhu 28:1

Isuéia a di ta ku lusolo, nè-mbe ua a landemeka ka moneka; maji o athu oso a iuka-phe, a di fikidila kala hoje ia munzangala.

Jelemiia 49:15

Kuma, talesa, nga ku bhange u ndenge muʼaxaxe ka Huxi, mu kizomba kia athu, eie a ku sebulula.

Jelemiia 6:30

A-nda kua kà exana phalata iò jine, mbata Jihova ua a tènde.

Kuditenda 2:6

Balaka iê ua mu budila-iu ni usuéia, kala fundu mu díbhia; ni ididi iê ia kionge ua mu senguluila-iu; Jihova, o jifesa jangene ni izuua ia sabha-lu mu Ziione ua i lâmbe-mu; njinda iê ki ia di vunza, ni sobha ni nganga ki ja mu kuatela dingi kima.

Izekiiele 6:5

Anga o imbi ia anʼa Izalaiele nga kà i zeleka bhu mesuʼa iteka iâ bhene; o ifuba ienu hé ngi i muangena mu jimbandu ja jikalatódio jenu ue.

Ijila 26:17

Pholo iami i mi kitukila, anga kisuéia ki mi buibua kuma nguma ja kà mi kuama; oso a mi zembe a kʼènda ni ku mi vua anga a kituka ngana jenu, anga mua kʼènda ni kulenga-lengenu ngó u mi kaia ka moneka.

Ijila 26:36

O ió-phe oso hanji asubhuka-ku momuenu, ngi a tuika uoma uonéne mu miẋima iâ, ubhinga kuila o mʼoxi ia jinguma jâ muala, katé ni dife diala kulokosa ni kitembu, dienhidi dia a bhesa ue lusolo; anga a kà kuata muene kulenga kala ala kulenga xibhata; a kà di vunda-vunda bhoxi, sé ngó muthu uala ku a landameka.

I Samuuele 14:15

Anga bhu kala kuteketa bhu kibangu kia akua Fidíxia, ni mu mukau, ni ku mundu uoso; akua poxto, ni akua kubhûnda, a teketa uâ; ni mavu a zamba mukonda kuteketa kuavulu kiki kua tundu kua Nzambi.