Jisálamu 53:2 - O Mikanda Ikola

² Sui! ku anʼathu kuala Nzambi mu diulu, uixi: Ngi talesa-ku mba muala ni iá ala ni kilunji, a xikina kusota Nzambi.

Jisálamu 53:2 Iomraidhean Croise

I Malunda 28:9

Anga uambela Solomá, uixi: Eie-phe monʼ ami Solomá, o Nzambi ia tatʼ enu ua mu ijiia, mu bheze ni muẋima uaiuka, ni vondadi iê ioso. Kuma o Jihova mixima ioso uene ku i solokota, o mabanzelu moso ma ixinganeku ua mʼejiia. Eie se u mu sota, uanda ku mu sanga; maji o ki u mu xisa-phe, Muène ue u ku dituna katé ku hadia.

II Malunda 15:2

Muenʼiú anga u tunda, uia mu kutakana ni Aza, u muʼambela, uixi: Enu Aza, ni Juda dioso ni Bejamí ngʼivienu! O Jihova uala ni enu, kiosuʼiki enu muala ni muene; se mu mu sota, mua-nda ku mu sanga; o ki muʼila mu mu xa, muene ue ua-nda ku mi xa.

II Malunda 19:3

Sumbala kiene, maji a sange hanji ima ia mbote momué; mukonda o mixitu eie ua i katula mu ixi, eie ua iudika muẋima ué phala kusota Nzambi.

Jobe 28:28

Iú uambela o muthu, uixi: Talesa-ze! O uoma ua Nzambi, uene o unjimu; o kueha kia ibha, kuene o kuijiia.

Jisálamu 10:4

O muthu uaiibha, mu kubhuma kua izale iê, uila uixi: U kʼibhula mukua-hi? Anga uia ni kubanza muene, uixi: Kana-ku Nzambi.

Jisálamu 102:19

Mukonda tunde ku ditala dia mbanza iê, muene ua zongola; Jihova ku diulu, ua talesa mu ngongo;

Jisálamu 11:4

Jihova-phe uala hanji mu Tembulu ie ikôla; Jihova kiandu kiê kia xikama ku diulu; mesuʼê a tono muene ni kengelela, o ibhebhetela iê iala mù tonginina kiambote anʼatu mu ngongo.

Jisálamu 111:10

O kukala ni uoma ua Nzambi, muene muijiia unjimu; ene oso a mu tumaka, a kala muene ni kilunji kiambote, o diximanu diê dia kalʼê, katé ku hádia ni hádia.

Jisálamu 27:8

Kioso eie ki uambe, uixi: Sotenu pholo iami; eme muẋima uami uambe: Pholo ié, Ngana, ngi i sota.

Izaía 55:6

Sotenu Jihova, kiosuʼiki ki mu tena ku mu sanga, mu kodienu kiosuʼiki kiala bhua zukama;

Jelemiia 16:17

Mbata mesu mami ma lungu muene ku jinjila jâ joso; ene ka suama bhu pholo iami, mba o ikuma iâ i di sueka ku mesu mami, lémbue!

Jelemiia 23:24

Jihova uixi: Saiku muthu u suama muene mu masuamenu, eme hé ngi lémbua ku mu mona? Manhi eme ki ngiʼzala mu diulu ni mu ngongo? Jihova ua ki tange.

Matendelelu 4:6

O jingongʼiji mu ila ni ku ji langa ni ku ji kumbidila, kuma uene o unjimu uenu ni kutetuluka kuenu bhu mesu a ifuẋi; oso a-nda kuívua o jingonge josoʼiji, a-nda kuila: O mundu iú uónene, ni mu unjimu ni mu kutetuluka kamoneka soko diâ.