Jisálamu 53:1 - O Mikanda Ikola

¹ O kiôua ua ki ambe ku muẋima uê, uixi: Kana-ku Nzambi! Athu ala muene ifusa, a bhanga isunji iaiibha; ki bhuala ngó u bhanga mbote.

Jisálamu 53:1 Iomraidhean Croise

I Jisobha 12:26

Anga Jelobouamu u zuela ku muẋima uê, uixi: Kindala o ungana ua-ndu vutukila dingi monzo ia Davidi.

I Jisobha 14:24

Kua kexile ue ni minzangala ia jindumbu ja mala, mu ixi, ia kexi mu bhanga jinga o maufusa oso a miji Ngana ia kaiesele bhu pholo ia anʼa Izalaiele.

Jobe 14:4

Nanhi u katula kima kia zele, mu dixidilu? Ki bhuala muthu!

Jobe 15:16

kuambe dingi o muthu ua kasana, ua xidi, únua o ituxi kala menha?

Jisálamu 10:11

Anga u tanga ku muẋima uê, uixi: Nzambi iú kuebhi-ze? Muene ua jimbi-ku kiá, ua di futu o pholo iê, ka-nda ku ki mona.

Jisálamu 10:13

Phalahi kisuéia u kala mu tobhesa Nzambi, ni kuila ku muẋima uê, uixi: Ki kuiza kima?

Jisálamu 10:4

O muthu uaiibha, mu kubhuma kua izale iê, uila uixi: U kʼibhula mukua-hi? Anga uia ni kubanza muene, uixi: Kana-ku Nzambi.

Jisálamu 10:6

Ku muẋima uê, uamba kuma: O bhabha ka tena dingi ku ngi sendumuna-bhu; nga tungu muene, ki ngi bhindama dingi, lémbue!

Jisálamu 88:1

U Jihova, Nzambi ia ubhulukilu uami, ngi dikola ko kué muanha ni usuku.

Jisálamu 92:6

Bulutu ima ienhiʼii ka i xinganeka; o semenhi u lémbua ku i ijiia.

Izekiiele 16:47

Sumbala kiene, maji eie mu njila jâ ua lémbua kuenda-mu, né ngó kubhanga maufusa kala mâ-ene; maji mukuâ ni kuila kala o ia bhange ene iii, ia tolo, eie mu njila jé joso ua beta dingi o ku di iibhisa ene ndenge:

Izekiiele 16:51

O phangiʼé Samádia ue, ituxi iê ia-te, ki i tena kusoka ni kaxaxe ka ituxi ié-eie; mukonda eie ituxi ié ua beta dingi o ku i vudisa ene ndenge, mu kubhanga kiki o jiphange jé ua ji bhana kulûnga, ni mu ima ioso ia ufusa i ua bhange eie.

Matesu 5:22

Eme-phe ngi mi ambela kuma, uoso u kuatela ngó mukuá njinda, u kala muêdi ua ku mu fundisa kuala afundixi. O uoso uâmba mukuá, uixi: U semenhi, u kala muêdi ku kionge kia jitata. Uoso-phe uila: U kiôua kia ngoho, u kala muêdi ua túbhia tua ifernu.

Luka 12:20

Nzambi-phe ua mu ambela, uixi: U kiôua! Usuku ua lelu, a-ndu ku bhinga kiá o muenhu ué! O ima ioso-phe i ua lunduʼíi, ia-ndu kala ia nanhi?

Loma 1:21

Mukonda sumbala Nzambi a mu ijidile, ka mu bhana ujitu kala Nzambi, ka mu sakidila. A biluka-phe jisemenhi mu jiphata jâ, o muẋima uâ ua kutobha anga u vunda.

Loma 1:28

Kienʼiki kuma a di tunu kusuua Nzambi mu kuijiia kuâ, Nzambi ua ehelela ni kilunji kiasekala, phala ende ni kubhanga ima ki i fuama.

Efezo 5:12

Kuma ima i bhanga enʼ ió mu kasuekele, ni ku i tanga ngó, ki kuata sonhi.

Matendelelu 12:31

Jihova Nzambi ienu ki mu mu bhange kiókio, kana; xinganekenu kuma ima ioso ia ufusa ia ibhila Jihova, ia di zemba na-iu muene, iene ia bhanga jinga ene kioso kia bheza jinga o jinzambi jâ. Katé ni tuana tuâ tua mala, ni tuana tuâ tua ahatu akexe ku tuoha mu túbhia, mu kusatela jinzambi jâ.

I Phetele 4:3

Kuma o thembu ia bhiti-ku ia soko kiá ia kubhanga ioso ia uabhela kubhanga o matumbu, kejiia Nzambi. Mukonda mu thembuʼomo enu uenu mua kexi mu kuenda mu jiphànda, ni mu jihânji ja xitu, ni mu uhôlua, ni mu ufusa, ni mu jifesa ja kukodiua, ni mu isunji iaiibha ia kubheza o iteka.