Jisálamu 51:9 - O Mikanda Ikola

⁹ Bhana pholo kuengi, kana kutala dingi o ituxi iami; ngi jimune konda iami ia maufusa moso.

Jisálamu 51:9 Iomraidhean Croise

Jobe 9:30

Né-mbe ngi di sukula ni menha a kikulakaji, o neve, maku hé ngʼa zelesa ni nzabá;

Jisálamu 51:1

Ngi kuatele henda, Ngana Nzambi, mu kulenduka kué ku uene na-ku; kaiela ki ku tuma o jihenda jé javulu, u ngi jimuine o itondalu iami ioso.

Izaía 1:18

Izenu-phe kiá, mu ngi sambulule, eme Jihova. Né-mbé ituxi ienu ia kusuka kala husu, ia-ndu zela mukuâ ni neve (o kikulakaji); né-mbé iedi nguí kala hundu, iila muene phalatatá mukuâ ni kindemba kia mbudi izela.

Izaía 38:17

Tala-ze, phala kutululuka kuami, nga bhiti-phe ni mavuua a vulu; eie-phe, mu henda ié, ua bhulula o muenhu uami, kua u ehela kulaúka mu kina mua kala o kusekumuka; kuma o ituxi iami iene ioso, eie Ngana, ua i takula ku dima dié.

Jelemiia 16:17

Mbata mesu mami ma lungu muene ku jinjila jâ joso; ene ka suama bhu pholo iami, mba o ikuma iâ i di sueka ku mesu mami, lémbue!

Izekiiele 36:25

Kienhókio nga kà mi pusuila menha a zele ku thandu dienu, anga mu-bhua o dixidilu dioso; nga kà mi zelesa muene ku maufusa menu moso, ni ku mahamba menu moso.

Dialuilu 19:18

Anga bhu kala muthu ua zele u zangula hisopo, hé u i bonda mu menha enhô anga ua sangela ku balaka ioio, ni ku imbamba ioso, ni ku athu oso a kala momo; uixi ue kua ió uoso ua kuata ku ifuba, mba ku muthu uoso-uoso a mu jibha, mba ió uafu, mba ku mbila.

Kolose 2:14

Ua jimuna o mukanda ua makongo etu, a tu kuikile mukonda dia ijila ia Kitumu. Ima ia tu fudisile ua i katula mu njila, o mukanda ua dikongo dietu ua u batela ku dikulusu diê.