Jisálamu 51:4 - O Mikanda Ikola

⁴ Ko kué Ngana, ko kué èlele, ku nga tondala, nga bhange kiaiibha muene ku mesu mé; eie bhenhobho u kala ni kidi kié mu zuela; u lungé muene ki u ngʼêlesa.

Jisálamu 51:4 Iomraidhean Croise

Dimatekenu 20:6

Nzambi anga u mu ambela ku nzoji, uixi: Nga kʼijiia muene kuma ua ki bhange ni muxima ua uabha, eme uami kiene ki nga ku fudisila o kuta kituxi ko kuami; kiene ki nga ku fudisila o ku mu kuata.

Dimatekenu 38:7

Hele-phe, monʼa Juda ua diiala ua phande-kumbi, u kala muthu ua bhukumuka ku mesu a Jihova; Jihova anga u mu jibha.

Dimatekenu 39:9

o mʼonzʼumu ki muala dingi muthu ua ngi tundu ni kima; kana-ku ue kima kia ngi fudisa, ki kale ngó eie, mukonda eie u muhatuʼê; eme-phe ngi tena kiebhi kubhanga kuiibha kuosʼuku ni kuta kituxi kua Nzambi?

Dimatekenu 9:6

O uoso u ẋamuna o manhinga ma muthu, muthu ni mukuâ a mu ẋamune ue o manhinga mê; kuma muthu a mu bhanga mu kidifuanganu kia Nzambi.

II Jisobha 17:17

Katé ni anʼâ a mala ni anʼâ ahatu a oha jinga mu túbhia mu ku satela o mahamba; a dibhakula mu kuzambula, a beta ku xikana o imbanda; a di-sumbisa mu kubhanga ima ia ibha ku mesu ma Jihova mbé o ku mu lokalala o njinda iê.

II Jisobha 21:6

Katé ni monʼé muène ua mu bhitisa ue mu túbhia; ua kexi ue mu kuzambuila mu matuta; ua kexile ue mu xingila, iú ua lumbile ue ndumba dia azambuidi ni imbanda; anga u suina muene mu kubhanga kia ibha bhu mesu ma Jihova, mbé o ku mu lokalala o njinda iê.

Jisálamu 50:4

U handekela diulu ku thandu, ni ixi bhoxi, kuma ueza mu fundisa o mundu uê, uixi:

Jisálamu 50:6

Kiókole ku diulu o kutetuluka kuê; kuma Nzambi muène, muene u kala mufúndixi. (Selah.)

Izaía 43:25

Eme, eme-muène ngi jimuna o itondalu ié mu henda iami; o ituxi ié ki ngi i banze dingi.

Ijila 5:19

Kifua sata ia kituxi mukonda dia kuêla, kuma ka kambe kuêla kuê bhu pholo ia Jihova.

Luka 15:21

Mona-phe uixi: Tatʼetu, nga te kituxi ku diulu kua Nzambi, ni mu ngongo kó-kué! Ki nga fuama dingi ku ngʼixana ngi monʼé.

Luka 7:29

O akua kutambula o lubhaku ni kifuẋi kioso, imʼiíi a ivu. Enhá ene athu a tumakene o jingonge ja iuka ja Nzambi, ia a a batizalale kuala Nzuá.

Jipoxolo 17:31

Mukonda ua xindi kiá kizuua kia kufundisa mundu uoso mu kidi, kua muthu uê ua mu tungula. Nzambi-iú ua tumu ku kʼ ijidisa kua ene oso mu ku mu fukununa ku ʼalunga.

Loma 2:5

Maji eie-phe mu kukola kuê kua muẋima ni kuxibhaka, mu kubhanga kiki, eie ua kuata ku di lundila dingi njinda katé bhu kizuua kia njinda, kia kà tukuluka o kufundisa kualuka kua Nzambi.

Loma 3:4

Ki ki xikina! Nzambi a kale mukua kidi, né-mbé athu oso a kala akua makutu. Kala kia ki soneka mu Mikanda ia Ngana, exi: Eie phala u lunge ki u zuela mu kufunda, u belese, ki u kuata ku mulonga.

Tiiaku 2:11

Mukonda o ió uambe, uixi: Kana kuta phànda, uambe ue uixi: Kana kujibha mukuenu. O kiki ki u kamba kuta phànda, maji u jibha muthu, uala u mukua kituxi, ua tondala o Kitumu.

Tiiaku 2:9

Maji enu-phe, o ki mu kala mu suua jipholo ja athu, kituxi ki mua mu ta. O Kitumu-phe kia mi kuata, mu akua muiônga uê.

Dijingunuinu 16:5

Anga ngʼivua anju ia bhana kutumina o menha, uixi: Eie, Ngana, uenié, eie ua kexile-ku, eie Uaiuka, Ukôla, mukonda dia kiki ki ua batulʼiki!

Dijingunuinu 19:11

Anga ngi mona diulu dia jikuka. Ngedi ngi tala, kua moneka kabalu kazela, o ua xikama-ku a mu ixana Fiiele, a mu ixana Kidi. Muène u fundisa mu kidi, u lua ita mu uiukilu uê.