Jisálamu 51:16 - O Mikanda Ikola

¹⁶ Kuma eie kua ngi xindi sata ia kibhaku, hinu nga i bhana muene; eie, Ngana, kibhaku kia kuohela mu túbhia, ki kia ku kala mu vondadi.

Jisálamu 51:16 Iomraidhean Croise

II Samuuele 12:9

Kiki-phe, phala-hi u tènda kizuelu kia Jihova, mu kubhanga kima kia mu iibhila ku mesuʼê? Kuma Udiia, mukua Hiti, ua mu jibha ku xibhata, o mukajiʼê eie ua mu bhange mukajiʼé eie; o muene eie ua mu bhange ujibhanganga ku xibhata ia anʼa Amone.

Jisálamu 40:6

Kusata mienhu, ni kubhakula idima, eie ki kuene kua ku uabhela, kana; maji, bhenhobho ua ngi xitununa o mátui; sata ia kuoha, ni ia kuluulula, ki iene i ua ngi bhingi.

Jisálamu 50:8

Ki ngi ku bazela, kana, kuila ua fulu ku ngi satela; jisata jé ja kuoha izuua ioso nga ji mono.

Jisálamu 51:6

Eie-phe ua bhingi kidi ki kala katé ni ku muẋima; moxi, mua kambe kumoneka ku athu, eie muene mu ua ngi longela o kaiula.

Jisálamu 71:15

Dikanu diami di tanga jinga o kukumbidila kué, ni kubhulula kué, mu kumbi dioso dia kambàmba; sumbala o konda iê nga i lémbua ku ijiia.

Makatukilu 21:14

Maji o muthu-phe se u kanena mukuâ ni kubhuma, anga u mu tela masunga, ni a mu jibhe, muthu ió né bhu kalatódio kami mu mu katula-bhu muene phala a fue ue.

Jisabhu 15:8

Jihova ua di-zemba ni sata ia athu abhumu; maji ki mu uabhela muene, o kuividila musambu ua athu aiuka.

Jisabhu 21:27

Sata ia akua kubhuma, kisinji kua Nzambi; kuambe dingi-phe ki a i bheka ni muẋima ua kubhanga phulu!

Jelemiia 7:27

Ua-nda ku a tangela maka mosuʼama, maji ene-phe ka-nda ku ku bhana mátui; ua-nda kua exana muene, maji ene-phe ka-nda ku ku tambuijila.

Hozeia 6:6

Kuma Eme nginda o kukuatela henda, ki ngindi sata; o kuijiia Nzambi ue kota, o kuoha ibhaku ia jisata, ndenge.

Dialuilu 15:27

Hé muthu umoxi u ta kituxi kia kutondala, ki kia luelu, muene-phe u bheka hombo ia mukaji ia muvu umoxi ia sata ia kituxi.

Dialuilu 35:31

Kia mukuá dingi, kijibhanganga ka tena ku di kula, hé uala muene muêdi; ki kale mu mu jibha muene.

Matendelelu 22:22

Se bhu kala diiala a mu sanga ua zeka muhatu uangene ua dikaza, kiiadi kiâ áfue muene, ni diiala dioso diazeka muhatu ni muhatu muene. Kuabhu-phe, mu kubhanga kiki Izalaiele mua i zelesa.

I Samuuele 15:22

Samuuele-phe, uixi: Kifua ki uabhela kiavulu Jihova maujitu ma kuoha ni jisata, inga ki mu uabhela o kutumaka dízui dia Jihova? Mukonda, o kutumaka kota, kusatela ndenge, o kubelesela ue kota ki ku soko ni banha ia jimbudi.