Jisálamu 51:1 - O Mikanda Ikola

¹ Ngi kuatele henda, Ngana Nzambi, mu kulenduka kué ku uene na-ku; kaiela ki ku tuma o jihenda jé javulu, u ngi jimuine o itondalu iami ioso.

Jisálamu 51:1 Iomraidhean Croise

II Samuuele 11:2

Kizuua kia mukuá, kutula ku kiemba, Davidi u balumuka bhu hama iê, anga u kala mu kuimajana ku thandu dia inzo iê ia mbanza; o ku thandu diaʼnzo kuala, u mona muhatu uala ku dʼiẋika; o muhatu ku mu tala mesu ua uabha kiavulu.

Nehemiia 4:5

Kikuma kiâ ku ki vungine, o kituxi kiâ ku ki jimune bhu pholo ié, mbata ene a ku kuatesa njinda bhu pholo ia akua kutunga.

Jisálamu 106:45

U xinganeka o kikutu kiê, hé u diela mukonda dia jihenda jê javulu.

Jisálamu 106:7

Jitata jetu ka tongolola kiambote, o madiuanu mé, mʼoxi ia Egito; ka xinganeka dingi o nzungule ia jihenda jé, maji a ku kuata phata, bhu ndundu ia kalunga, xi, bhene bhu Kalunga Kakusuka.

Jisálamu 109:21

Kala-phe u dilemba diami, eie Ngana, Jihova, mukonda dia jihenda ja dijina dié; ngi kudile, Ngana, mukonda kulenduka kué kua uabha.

Jisálamu 119:124

Selevende ié mu bhange kala ki tuma o kiadi kié, u ngi longe ioso i ua lekelela.

Jisálamu 145:9

Jihova ene oso u a bhanga muene mbote, ikalakalu iê ioso u i tambula konda mu henda iê.

Jisálamu 4:1

Ngʼivue kioso ki ngi dikola, u Nzambi iami kuma eie u ngi bhana o kulúnga; Eie ua tena ku ngi bheka bhua disanze, kioso ki nga kexile bhu kíbhidi; ngi lendukile dingi, u ngʼivue o kusamba.

Jisálamu 40:11

Eie ue, u Jihova, ku fule ku ngi ta muẋima ni jihenda jé; o kiadi kié ki ngi kale ku mbandu joso, ni kidi kié.

Jisálamu 5:7

Maji eme-phe, mu kudielela o henda ié iavulu kinéne, ngala ni disesa dia kubokona monzo ié; ngi bhixila ni uoma mu ta pholo bhoxi bhu kanga dia Tembulu ié ikôla.

Jisálamu 51:9

Bhana pholo kuengi, kana kutala dingi o ituxi iami; ngi jimune konda iami ia maufusa moso.

Jisálamu 69:13

Eme-phe ki ngalʼiki, ngi samba ko kué u Jihova, kithangana kienhiki kia ku ngʼivua eie u Nzambi; mu kulenduka kué kuavulu, ngʼivue, u itaie mu kidi kié kia Kibhamuenhu.

Jisálamu 69:16

Ngʼivue, Jihova, kuma o kulenduka kué kuauabha; mu jihenda jé javulu kinéne, ngi lunge mesu mé kunu ku ngala.

Jisálamu 77:9

Nzambi o kuila kejidila dingi kulenduka? kifua o kiadi kiê ua ki jikila kiá mu njinda? (Selah.)

Izaía 43:25

Eme, eme-muène ngi jimuna o itondalu ié mu henda iami; o ituxi ié ki ngi i banze dingi.

Izaía 44:22

Ikuma ié ngi i jimuna kala mbundu, o ituxi ié ngi i bhuisa-ku kala dituta: Vutuka kokuami, mbata eme nga ku kula kiá.

Izaía 63:15

Ividila tundé ku maúluʼoko, u tale kunu tundé bhu kididi kié kiangene bhu ua tunga. Muanu ué Ngana uala kuebhi, ni ikalakalu ia uzonda ué? o kulenduka kua muẋima ué ni jihenda jé ji kale ni eme!

Izaía 63:7

Ngi tumbula kulenduka kua Jihova, ngi tanga ue diximanu dia nzungule dia Jihova, dia soko ni ima ioso ia tu bhange Jihova; ni jimbote javulu joso jene kubhanga ku diembu dia Izalaiele, ja a bhange muene mu jihenda jê, kala kia soko o nzungule ja kulenduka kuê.

Jelemiia 18:23

Maji eie-phe, Jihova, tata, uejiia kikutu kiâ kioso kia ngi te phala ku ngi jibha; kikuma kiâ ku ki loloke, o kituxi kiâ ki xale muene bhu pholo ié, ku ki jimune, maji a di bhukane muene bhu pholo ié; u a bhanga kienhiki bhu thembu ia njinda ié.

Kuditenda 3:32

Kuma, né kia beta muthu hé u mu bheka mu lamba, sai bhua-nda ku mu lendukila, kuma ukaiela kia soko o nzungule ia jihenda jê.

Daniiele 9:18

Nzambi iami, bheteka mátui kunu, uívue; tona mesu, u mone kubhondalala kuetu, u tonginine ue o mbanza iatokala mu dijina dié. Mbata o ki tuala kusamba kiki bhu pholo ié, ki tua dielela o kulunga kuetu, maji tua dielela mu kulenduluka kué eie ku uene na-ku kua nzungule.

Daniiele 9:9

Maji eie Jihova, Nzambi ietu, momué muene ku kuatela henda ni kuloloka; oko etu tua mu kitukila muene!

Jipoxolo 3:19

Enu-phe dielenu, muenhu uenu u biluke, mu vutuke kua Nzambi, o muène ituxi ienu phala a mi jimune-iu.

Kolose 2:14

Ua jimuna o mukanda ua makongo etu, a tu kuikile mukonda dia ijila ia Kitumu. Ima ia tu fudisile ua i katula mu njila, o mukanda ua dikongo dietu ua u batela ku dikulusu diê.