Jisálamu 5:7 - O Mikanda Ikola

⁷ Maji eme-phe, mu kudielela o henda ié iavulu kinéne, ngala ni disesa dia kubokona monzo ié; ngi bhixila ni uoma mu ta pholo bhoxi bhu kanga dia Tembulu ié ikôla.

Jisálamu 5:7 Iomraidhean Croise

I Jisobha 8:35

Kioso o diulu ki di jika, anga mvula i kamba kunoka, mukonda ene a ku tela kituxi, ene anga eza kusamba mu kididi kiki, ni kuximana o dijina dié, anga a diela ku ituxi iâ, kia mona kuila eie ua a tatesa,

I Jisobha 8:38

Musambu uoso, ni kudionda kuoso, kubhana muthu uoso-uoso mu kifuxi kié kioso kia Izalaiele, muthu ni muthu kia zubha ku di tongolola o kuiibha kua muẋima uê, anga u sunununa o maku mê ku inzo iii,

Jisálamu 101:7

Uoso mukua kunganala ió ki ngi kala-nê monzo iami; o makua kutanga makutu, bhu mesu mami kà tena kuimana-bhu.

Jisálamu 130:4

Maji eie-phe, u Ngana, u mukua kuloloka, phala athu ende jinge ni ku ku xila.

Jisálamu 132:7

Tu bokone mu balaka ia Ngana, tu bheze bhu bangu ia inama iê.

Jisálamu 138:2

Ngi diunda ni kubhana o pholo kua kala o Tembulu ié, ngi ku tumbula dijina mukonda dia kiadi kié kia kidi; kuma o maka mé, Ngana, ma ulamba, ni ku a fika ngó tua lémbua.

Jisálamu 28:2

Ivua dízui diami dia kudionda, kioso ki ngi dikola kokué; ni kioso ki ngi sunununa maku mami, ni kulunga pholo ku kididi kié kikôla.

Jisálamu 34:17

Aiuka-phe a dikola, Jihova u a evua, u a kudila mu jiphaxi jâ joso.

Jisálamu 51:1

Ngi kuatele henda, Ngana Nzambi, mu kulenduka kué ku uene na-ku; kaiela ki ku tuma o jihenda jé javulu, u ngi jimuine o itondalu iami ioso.

Jisálamu 52:8

Eme bhabha-phe, ngi kula mukuâ ni muxi ua mudiva uauisu, ua buingita mʼonzo ia Nzambi; ngi dielela jinga mu kulenduka kua Nzambi, mu mivu ni mivu ki i moneka dizubhilu.

Jisálamu 55:16

O ki ngalʼemʼiki-phe, ngi dikola kua Nzambi; Jihova muene u ngi bhulula.

Jisálamu 69:13

Eme-phe ki ngalʼiki, ngi samba ko kué u Jihova, kithangana kienhiki kia ku ngʼivua eie u Nzambi; mu kulenduka kué kuavulu, ngʼivue, u itaie mu kidi kié kia Kibhamuenhu.

Jisálamu 69:16

Ngʼivue, Jihova, kuma o kulenduka kué kuauabha; mu jihenda jé javulu kinéne, ngi lunge mesu mé kunu ku ngala.

Jisabhu 6:16

Ima isamanu iii Jihova ua di zemba na-iu, o kia sambuadi-phe kua muene kisunji:

Jisabhu 6:17

o mesu ma tala ni izala, o dimi di tanga makutu, o maku ma zunza manhinga ma muthu ua kambe kikuma,

Izaía 55:7

mukua-ituxi ehe o njila iê, o ua iibha muẋima a tule mabanzelu mê; a vutuke kua Ngana, u mu kuatela henda; nʼalukile kua Nzambi ietu, kuma muene mukua kuloloka kiavulu.

Izaía 64:11

Onzo ietu ikôla mua kexe o kijingu, mua ku bhezela jinga o jitata jetu, a i te mu túbhia; ima ietu ioso-lolo ia beta ku tu uabhela ia biluka dixita!

Daniiele 6:10

Daniiele-phe kievu kuila sobha ua di-sinala o mukanda, ua bokona mʼonzo iê, hé uia mu xilu muala jinjanela jaʼnzo iê ja jikuka ja lungu ku Jeluzaleme; a-nga ufukama ku jiphuna jê lutatu ku kizuua, usamba, usakidila bhu pholo ia Nzambi iê, kala kiene o kifua kiê tunde ukulu.

Hozeia 3:5

O ku hádia-phe anʼa Izalaiele hinu a kà vutuka dingi, anga a kà sota Jihova Nzambi iâ, ni Davidi, sobha iâ; anga ni kuteketa a kà sota ku xila jinga Jihova ni mbote iê, mu izuua i sukidilaku.

Jipoxolo 9:31

Uila kiki o Ngeleja mu Judeia, ni mu Ngalileia, ni mu Samádia, anga i kala ku paze, i di tunga; i enda mu uôma ua Ngana, ni mu kutululuka kua Nzumbi Ikôla, anga i sokoloka.

Jihebeleu 4:16

Uila kiki, tu bhiẋidienu bhu kiandu kia kiadi sé hele, phala Nzambi a tu kuatele henda. Bhenhobho tua kà tambula o kiadi ki tena ku tu bhandulula mu kumbi dia kubhondalala.

Josuué 24:15

Maji-phe, se kia mi ibhila ku mesu menu o kubhikila Jihova, leluʼidi-phe Solenu kiá uoso mua fuama o ku mu bhikila: se muedi mu xingidisa o mahamba a xingidisa jinga o jitata jenu kia kexi mu sámbua dia ngiji ia Ufalate, mba-phe mu xingidisa o mahamba ma akua Mamodi avu o ixi iii mu mua tungʼumu, enu kiá! Maji eme-phe ni dibhata diami, tu bhikila Jihova.