Jisálamu 5:6 - O Mikanda Ikola

⁶ Athu oso a tanga makutu; Eie hinu ua-nda kua kà a jima o mbutu; muthu uoso uaiibha ni manhinga, mukua kunganala akuâ, Eie u Jihova, ua ku ibhila muene.

Jisálamu 5:6 Iomraidhean Croise

Dimatekenu 34:14

Anga a ambela, exi: Ki tu tena ku ki bhanga, o kubhana phagiʼetu ia muhatu ku diiala a kambe ku mu saia; kiókio ki kala kala tua sebuluka.

II Samuuele 16:8

Jihova ua ku bhekela dingi ku thandu dié o futu ia manhinga moso ma dibhata dia Saúlo, ua mu bhingana ku ungana; Jihova iú ua bhakula ue o ungana ué bhu lukuaku lua Abisalone dia monʼè. U diuana-phe! Kindala eie ue divuua dia ku tula, mukonda u kiiala kia manhinga!

II Samuuele 20:1

Bhenhobho anga bhu kala muthu ua tokala ni Kadiaphemba, dijina diê Seba, monʼa Bikidi, mukua muiji ua Bejamí; muenhú anga u xika koloneta, uixi: Etu mu kisangela kia Davidi, ki tuala-mu, mba tu kala ni undundu mua monʼa Jese! Muanganenu Izalaiele, kala muthu aie ku balaka iê!

Jisálamu 11:5

Jihova u tungula athu, ni iá a mu xila ni iá a bhumu; uoso-phe ua bhumu, uandala ituxi, muene u di zemba-nê.

Jisálamu 4:2

Enu malʼenu, mu ki jijidila-hi anʼathu, tata, o ku ngi jingununa ni ku ngi sebulula? Mu suka katé bhebhi ni kuzola malebhu, ni kubhindamena makutu? (Selah.)

Jisálamu 43:1

Ngi tetuluile, Ngana Nzambi, u ngi fundile o mulonga uami ni mbutu ia athu a iibha o muẋima; ngi kudile ku kiiala mukua makutu ni mangonha.

Jisálamu 55:23

Enhó-phe, Nzambi, a lundumune, a lauke mu bombo dia kalunga; ijibhanganga, akua makutu, ka kà zubhe dingi izuua iâ, né mu kaẋi ka kà bhiẋile-mu; eme bhabha-phe ngi dielela jinga ko kué.

Izaía 26:21

Mbata, tala-ze, Jihova ua kà tunda bhu kididi kiê, nda uiza kubhana o njumbu ku iá a tunga mu ngongo, mukonda dia ikuma iâ; o ixi ia kà tukulula manhinga mâ, ki ia kà sueka dingi ió oso a a jibha.

Loma 1:29

Ezala ni kubhukumuka, ni usueia, ni luimbi, ni phulu; ezala ni dixinga, ni ujibhanganga, ni jimvunda, ni makutu, ni mahanha.

Dijingunuinu 21:8

Maji oso-phe akua uôma, akua phulu, a bhanga isunji, ijibhanganga, jindumbu, ni aloji ni abhezi a itèka, ni akua makutu oso, o mbandu iâ ià kala mu kizanga kia uama túbhia ni xofidi; kuène o kùfua kua kaiadi.

Dijingunuinu 22:15

Ku kanga dia mbanza kuene kukala akua midimu ioso iaiibha, ni aloji, ni jindumbu, ni ijibhanganga, ni akua kubheza itèka, ni uoso u uabhela kuzuela ni kubhanga o makutu.