Jisálamu 5:11 - O Mikanda Ikola

¹¹ Maji oso-phe a lengela kokué, a tane-ku! A dikole ni ngalasa, kuma eie uene ku a bhângela; oso kiá a zola o dijina dié, a kolokote ku ku dielela.

Jisálamu 5:11 Iomraidhean Croise

Jobe 38:7

Kithangana kiebhi jithéthembua ja kimene ki ja kexile mu kuimbila kumoxi ni kusanguluka, o anʼa Nzambi oso anga a kala mu tana?

Jisálamu 2:12

Bhombenu mona, ki mu kinge kia thathamana; kuma hinu mu diuana ku muia, njinda iê ki i uama kala túbhia. Enhó-phe a zediua oso a dielela kua Muene.

Jisálamu 35:27

Embe-phe, a dikole ni ngalasa, a sanguluke, oso a ngi bande ku mulonga uami; a kale jinge mu kuila: Jihova a tane-ku, ua zolo selevende iê, iu ua mu bhana o kulúnga!

Jisálamu 40:16

Oso-phe ala ku ku kana eie a sanguluke, a kale jinge mu kutanena momué; oso a zola o kubhuluka ku tunda ko kué, a kale mu kuila jinga: Jihova ukôla.

Jisálamu 58:10

Uaiuka-phe hinu u ki sakidila, kia mona o kaxtiku kâ; hé u sukula o inama iê mu manhinga ma isuéia.

Jisálamu 65:13

Mikáu i fukuka ni ilunga ia jimbudi, ivuza i zuata ixina ia masa; ni mikáu ni jihonga kífua i di handekela, i tambujila kala iala mu kuimba.

Jisálamu 68:3

Maji athu aiuka-phe a kale ni ngalasa; a sanguluke bhu pholo ia Nzambi; a sanguluke muene ni ngalasa iavulu!

Jisálamu 69:36

A di tuma ni muene, a xia luvalu lu lundula o mabhata enhó; oso a zola dijina diê, a tunga, a soma, muenhomo.

Zakadiia 9:9

Sanguluka kiavulu, eie monʼa kilumba mu Ziione; Tumbujuka ni ngalasa eie u monʼa kilumba mu Jeluzaleme; tala, sobha ié iú uiza kokué, u fundisa mu kidi, Mubuludi, ngadiama, ua sambela ku thandu dia bulu, ku thandu dia kaseseme ka bulu, kamona ka bulu ia mukaji.

Loma 8:28

Kuma tua kʼ ijiia kuila mu ima ioso Nzambi u kalakala mu kubhanga o mbote kua iá oso a mu zola, oso kiá a exana mu vondadi ia muène.

I Kolindo 2:9

Uila kiki-phe, kia ki soneka mu Mikanda Ikôla, exi: Ima kiluua mesu a i mona, kiluua matui a ʼivua, Kiluua ngó muẋima ua muthu u i fika kuila hadia i bhita, Iene ima ia iudika Nzambi mu ku i bhana oso a mu zola.

Tiiaku 1:12

Ua zediua o muthu u kolokota mu lamba, anga u kala fiiele. Kuma kia zubha ku mu lola mu malamba enhó, ua kà tambula kitundu kia muenhu, kia tange Nagana kubhana oso a mu zola.

Tiiaku 2:5

Ivenu, phange jami nga mi zola: Nzambi ua solo jingadiama mu ngongʼumu phala kukala jimvuama mu kuxikana, alundudi a ungana ua tange Muène ku u bhana oso a mu zola.

Dijingunuinu 18:20

Eie u diulu, mu olele, mukonda dia kusenguluka kuê! Ni enu oso mu akua-Ngana, mu jipoxolo, mu jipolofeta, mu oledienu! Sangulukenu, kuma Nzambi ua batula! Mu ioso ia mi bhange, ua mi bhela-nê kaxtiku!

Afundixi 5:31

Nguma jé, u Jihova, ji buike kienhiki, oso-phe a ku zola, a benhe kala dikumbi, kioso ki di tunda ni nguzu iê ia kumuika.