Jisálamu 5:10 - O Mikanda Ikola

¹⁰ A êlese ku mulonga, eie u Nzambi; nda a di bhale mu jipangu ja di longesa mudiâ; a kaiese, Ngana, mukonda dia kubhukumuka kuâ kuavulu; kuma eie muene, u Ngana, a ku kitukila.

Jisálamu 5:10 Iomraidhean Croise

II Samuuele 15:31

Anga bhu kala muthu u jimbuila Davidi, uixi: Ahitofele ua di te ue mu kikutu ni Abisalone. Davidi anga u zuela, uixi: Eie u Jihova, Nzambi iami nga ku diondo, kitukisa jiphangu ja Ahitofele, ji kale uoua.

II Samuuele 17:14

Abisalone ni mala oso a Izalaiele, exi: Ua mono? Phangu ia Husai mukua Adiki kota, phangu ia Ahitofele ndenge. Kuma Jihova muene ua ki lekela phala kutudisa o phangu iambote ia Ahitofele, mbé Jihova a bheke divuua ku thandu dia Abisalone.

II Samuuele 17:23

Ahitofele-phe kia zubha kumona kuma o phangu iê ka i kaiela, u zuika o bûlu iê dikombola, uia ku bhata diê ku mbonge iê kua tungu, u ta imbamba iê ioso mu ididi ia tokala, anga u di nhenga; hé u fua anga a mu fûnda mu mbila ia tatʼâ.

II Malunda 25:16

Kiosuʼiki hanji polofeta iu u mu zuelela, muene u vutula, uixi; Eie a ku te phala kubhana kaiula kua sobha? Dixibhe! Phalaʼhi a ku kuama ngó? Polofeta anga u dixibha, maji, uixi: Nga ki mono muene, kuila Jihova ua te kiá hundu ia ku ku sengulula; mukonda dia kiki ki ua bhange; eie ua ditunu kubhana mátui ku kaiula kami.

Estere 7:10

Kienhiki anga a nhenga Hamane ku mukambu ua iudika muene phala kunhenga Moledekai. O kia zubha ku ki bhanga, njinda ia muenexi ia sosoloka kiua.

Jisálamu 10:15

Bukula, Ngana, o lukuaku lua kisuéia ni lua mukua phulu; solokota muene o ituxi iâ katé ki u i zubha, hé u mona muene kuila ki ku xala dingi kima.

Jisálamu 107:11

Mukonda a kitukila o maka ma Nzambi, Suke-ku kia a longo kilunji, nguauâ ku mu ívua.

Jisálamu 17:13

Balumuka, u Jihova, u mu kakule, u mu tolole; ngi tambule ni mukuale ué, kua ió ua kakela o muenhu uami.

Jisálamu 31:18

A bhane ububu, oso ala ni mizumbu i tanga makutu; akua kuhina-hina mu longolola o muthu ua iuka, anga a mu bhanga kasekelu, aia ni ku mu kenha.

Jisálamu 35:26

A kakuke, ene, a diuane, sonhi ja a kuatele kumoxi, oso a bhindamena ku ngi kuama; a kale ni jisonhi ni kusekala kala kizuatu, oso a di kaka mu ku ngi bhanga eme o phulu.

Jisálamu 55:15

Kalunga-ka-ngombe a ambate, a láuke ni muenhu uâ mu bombo diê, nda o mavu a a minhe mukulukusa; kuma muala usuéia mu bhata diâ, katé ni ku mixima iâ moxi.

Jisálamu 66:7

Muene, mukonda dia kutena kuê, ungana uê u nangenena; o mesuʼê ala mu langa ifuẋi; né edi a kituka ka tena. (Selah.)

Jisálamu 71:13

Enhó a kakule, Ngana, a buidise muene, oso ala ku ngi séia o muenhu uami a sebuluke, a jingunuke, ezale ni jisonhi, oso a mesena ku ngi bhanga o phulu.

Jisálamu 79:12

Athu engiʼó u tua zukama-nâ a fute lusambuadi bhu homba iâ, o kusebha kuâ kua ku ku tobhesa eie u Ngana.

Izaía 1:2

Ivenu, enu mu maúlu, eie ue u ixi, bhana mátui; mbata Jihova muene ua mu zuela: Nga bhange ana, nga a bhana kijingo; maji ene a ngi balukila.

Izaía 1:20

O ki mu dituna-phe, anga mu ẋinuka, muanda kudiua ku xibhata; kuma dikanu dia Jihova dia ki tange.

Izaía 63:10

Maji ene a baluka, a luualesa o Nzumbi iê Ikôla; kia mu bhangesa ku kituka nguma iâ, anga muene-muène u zoka-nâ.

Kuditenda 1:5

Jinguma jê ja mu iokola, oso a mu kuatela luma a sanguluka; mbata Jihova ua mu bhondeleka, mukonda dia nzungule ia itondalu iê; tuana tuê iá aia ku ubhika, hanji kia a tuamenesa o kisuéia.

Daniiele 9:5

etu tuate ituxi, tua bhalumuna mulonga, tua bhange kubhukumuka, tua ku balukila, o mu ijila ié tua tundumu ni mu itumu ia mabatuilu mé;

Daniiele 9:9

Maji eie Jihova, Nzambi ietu, momué muene ku kuatela henda ni kuloloka; oko etu tua mu kitukila muene!

Hozeia 9:7

Kuma izuua ia ku a zungila ia bhiẋila, izuua ia kuvutula phonzo ieza-bhu; o Izalaiele ua-nda ku di muena-kiu hé u kʼijiia, kuila o polofeta iê ua di bhange kiôua, o mukua kuzambula u xingila makutu; mukonda ua di vudisila o ikuma iê, kiene uê kia kà mu vudixila o luma.

I Kolindo 3:19

Kuma o unjimu ua mundu iú, kua Nzambi uene o uoua. Kiene kia ki soneka mu Mikanda Ikôla, exi: Jinjimu, Nzambi u ji kuatela mu kudimuka kuâ.

Matendelelu 2:30

Sihone-phe, sobha ia Hezebone, nguê ku tu ehela kubhita moxi iê, mukonda Jihova Nzambi ié ua kolesa o muxima uê, iú ua bhukumuka, phala o ku mu bhana bhu lukuaku lué, kala ki ua di muena lelu.

I Samuuele 25:29

Sumbala se bhu kala muthu ua balumuka mu ku ku landameka, ua bhindamena ku ku tambula o muenhu ué, ngana iami, muenhu ué a u kutila kumoxi mu kita kia athu a muenhu ala ni Jihova Nzambi ié; maji o mienhu-phe ia jinguma jé a ka i zabujula kala ditadi ki di tunda mu kaẋi ka mbala-fundu.

I Samuuele 25:39

O ki evu Davidi kuila Nabale uafu, u zuela uixi: Nga sakidila Jihova ua ngi fúndila mulonga ua dilebhu diami di nga tambuile kua Nabale, ua ngi fudisa kubhanga kiaiibha eme ngi mubhikʼê. O phulu ia bhangele Nabale, Jihova ua mu vutuila-iu mu mútue uêmuène. Davidi anga u tuma kuta maka kua Abingaíle, phala ku mu sakana, nʼa kale mukajiʼê.