Jisálamu 47:5 - O Mikanda Ikola

⁵ Nzambi ua bande ni ku mu kola kikóue, Jihova uaii ni ku mu xikila koloneta.

Jisálamu 47:5 Iomraidhean Croise

II Samuuele 6:15

Kienhiki, Davidi ubanda ni dibhata dioso dia Izalaiele, a bheka álaka ia Nzambi ni kudikola kua kusanguluka, ni kuxika koloneta.

I Malunda 15:24

O Sebaniia, ni Jozafate, ni Natanele, ni Amasai, ni Zakadiia, ni Benaia, ni Eliiezele, o jinganga, a kala mu xika o jikoloneta ku pholo ia álaka ia Nzambi. O Obede-Edomo, ni Jehiia, ene akexile alangi a mielu ia álaka.

I Malunda 15:28

Kienhiki Izalaiele ioso anga a bandesa o álaka ia kikutu kia Jihova, ni kusanguluka kuoso, ni dízui dia jikoloneta, ni kuxika jimbungu ni jingoma ni isàka, mázui a mingeia ni tukoxi.

I Malunda 16:42

Kala kiki, ene-phe a kexile kiá kumoxi ni Jedutunu, ia akexile mu xika o jikoloneta ni tungoma, phala kuia ni kuivisa o ingolongondo ioso ia kuxika o jimujika ja mimbu ia kuimbila jinga Nzambi; maji o ana a Jedutunu-phe akexile mu langidila jinga bhu muelu ua dibhitu.

Jisálamu 150:3

Mu ximanienu ni dízui dia koloneta; mu ximanienu ni kakoxi ni mbànza.

Jisálamu 68:33

Mukua kuendela ku matuta ma diulu, o diulu diê-muène tunde mʼukulu-kulu; ivenu-ze o dízui diê, dízui diê di bhana mutendu ua suína.

Jisálamu 78:65

Bhenhobho Ngana u phaphumuka kala muthu uele ku kilu, kala dizonda di dikola, dia tundu ku vinhu.

Jisálamu 81:3

Xikenu o mbungu ia mbeje ia thathama, ni ia mbeje iaii kiá ku mulundu, kizuua kietu kia fesa, kieza-bhu!

Jisálamu 98:6

Ni koloneta ni dízui dia mbungu, suinenu dízui dia kikoue bhu pholo ia Jihova, Sobha ietu.

Izekiiele 20:6

Mu kizuua kienhokio, nga a zanguila o lukuaku luami, hé nga a lokela ngixi: nga-nda ku mi katula mʼoxi ia Ijitu ni ngi mi bheka mu ixi i nga dianga ku mi muena, ixi i zunzumuka lete ni uiki, i ia di-bhange iene o makembu a jixi joso.

Amoji 8:7

Jihova phe anga u lokela muene ku unéne ua Jakobo, uixi: Eme ki ngi tena kujimba o ikalakalu iâ ioso katé ku mivu ni mivu.

Malakiia 2:3

Mu kienhiki, mbutu ienu ioso nga-nda ku mi dianguila-iu, anga ngi mi uesa jipholo jenu ni ditobe, o ditobe dia izokola ienu anga a kà mi texila kumoxi ni dixidilu dienhódio.

Dialuilu 23:21

Ka mono kubhukumuka kua Jakobo; ka mono ikuma kua Izalaiele; Jihova, Nzambi iê, ua tungu-nê, o muʼaxaxe ka uivua-mu nzôngo ia sobha ala ku mu kola.

I Kolindo 15:52

Mu kithangana kia kuila o diesu pote, kioso hadia ki xika o koloneta ia sukidila-ku. Kuma o koloneta ia kà xika, o madifundu ma kà fukunuka ni muenhu ki uene dingi kufua, etu oso anga tua kà kituluka kiengi.

I Tesalonika 4:16

Kuma Ngana muene ua kà tuluka ku diulu, ni kutesa nzongo, ni dizui dia kota dia ji-anju, ni koloneta ia Nzambi. Bheniobho o madifundu a fila mu kuxikana Kristu, ene a kà dinga kufukunuka.

I Timote 3:16

Kia kidi kiene, kana muthu u tena kudituna-kiu kuila o kijingano kia ubhezelu uetu mua Nzambi kia dikota muene: Muène ua tukulukila mu kidifuanganu kia athu, o Nzumbi ia Nzambi ua mu tange kuila ualungu, o muène a mu mono kuala o ji-anju. A mu kola muʼaxaxe ka akua jixi, o mundu mu ngongo ua mu xikana, ia a mu tambula ku diulu ku ungana.

Josuué 6:5

Ki bhita-phe, kuila, o kioso ene kia xika ni dízui diasuina ku jimbungu ja ilumbe, ki muívua dízui dienhódio dia mbungu, kifuẋi kioso a kole nzòngo ionéne; mu mona-phe kuma lumbu lua mbonge lu di bhala, hé lu zeka bhoxi, kifuẋi kioso anga a bokuena kala muthu bhuoso bhua lulamena, bhua lungila o pholo iê, ka bhingi dingi ididi iengi ia kubokuena mu mbonge.

Dijingunuinu 11:15

Anju ia kasambuadi anga u xika o koloneta iê. Hé kukala mazui a makota mu diulu, exi: Kiki o Utuminu ua jixi mu ngongo, ua biluka Utuminu ua Ngana ietu, ni ua Kristu iê. Muène kiá ua kà tumina katé ku hàdia ni hàdia!