Jisálamu 47:4 - O Mikanda Ikola

⁴ Muene ua tu solela o undundu uetu, o ixi iauabha ia bhana Jakobo, muthu uê ua mu zola. (Selah.)

Jisálamu 47:4 Iomraidhean Croise

Jisálamu 136:22

Ikale undundu uangene ua selevende iê Izalaiele; kuma kulenduka kuê ki kuene kúbhua.

Jisálamu 16:3

Athu é angene, abhu o ituxi, ene athu a ujitu nga endi mu ngongo.

Izaía 60:15

Bhu kididi kia ku kuehelela, ni ku ku buakulula bhua ku tula, kia bhingi ki bhu kexile u bhita momué, eme-phe nga kà ku bhangesa kukala ni kuzangalala ku nangenena, kutana muene, kutunda muiji kuiza muiji.

Jelemiia 3:19

Maji eme ngedile, ngixi: Eme nga-nda ku ku tula kiebhi muʼaxaxe ka ana, anga ngi ku bhana o ixi i tena ku ku uabhela, o ubhinganu ua beta ujitu, ua ifuẋi ia miji? Eme-phe, ngixi: U ngiia Tata, kana dingi ku ngi baluka.

Izekiiele 20:6

Mu kizuua kienhokio, nga a zanguila o lukuaku luami, hé nga a lokela ngixi: nga-nda ku mi katula mʼoxi ia Ijitu ni ngi mi bheka mu ixi i nga dianga ku mi muena, ixi i zunzumuka lete ni uiki, i ia di-bhange iene o makembu a jixi joso.

Hozeia 14:4

Eme nga-nda kuilula o kuxibhaka kuâ ni kudianguka kuâ, anga ngʼa zola muene ni muẋima uoso, mukonda njinda iami ku thandu diâ ki iala-ku dingi.

Amoji 6:8

O Jihova, Nzambi, ua di lokela muene ku muenhu uê, o Ngana, Nzambi ia Ilômbo Ieta, uambe kuila: Kudizangeleka kua Jakobo kua ngi kala kima kia kisunji, o mazemba ma jinzu jâ ja matala, nga di zemba na-ju muene; kienhiki, ni mbonge ni ioso ialamu, nga-nda ku i bhakula muene.

Amoji 8:7

Jihova phe anga u lokela muene ku unéne ua Jakobo, uixi: Eme ki ngi tena kujimba o ikalakalu iâ ioso katé ku mivu ni mivu.

Nahumu 2:2

Mukonda Jihova ua kʼeza dingi ni unéne ua Jakobo, kala o unéne ua Izalaiele, sumbale abhûndi a bhûnda muene, o mivide ioso anga a i buidisa

Malakiia 1:2

Jihova uambe: Eme nga mi zola; maji enu-phe, muixi: Eie ua tu zola mu ima iahi? Abha, Izaú ki muene kota dia Jakobo? Maji-phe eme ngi Jihova ngazola Jakobo.

Matesu 25:34

Muenexi anga uà kʼambela iá ala ku dilu diê, uixi: Zenu a mi zediuisa kuala Tata iami! Zenu mu lundule o Ungana, a mi iudikila na-u kuala Tata iami tunde ku dimatekenu dia ʼxi.

Efezo 1:18

Nga mu bhinga phala a jikule o ilunji ienu, a mi tonese o mesu ni mu mone o mukengeji, nda mu ijiie ioso ia tu dielelesa Nzambi mu kixanu kiê. Mbé ni mu ijiie ue kioso kiavulu o jimbongo ja mabesá mê ma tange kubhana o mundu uê,

Matendelelu 11:12

Oxi iii Jihova Nzambi ienu muene ua i tambula konda; mesu ma Jihova Nzambi ienu mene ku i kengelela mu thembu joso; tundé bhuandekela o muvu katé bhu ubhuila.

Matendelelu 33:3

Muene mu kidi ua zola o ifuẋi; athuʼê angene ala bhu lukuaku luê; ene enda ni kuxikama bhu inama iê, phala kala muthu nʼende ni kutambula-ku ku maka mê.

I Phetele 1:4

Uila kiki, tua kinga kutambula kua Nzambi o mabesá ma bhakela o mundu uê. Muanda kumona o undundu ki uene kubola, ki uene kuxila, ku uene kulela, ua mi xikamena ku diulu.