Jisálamu 45:3 - O Mikanda Ikola

³ Dizonda dia kimi! maneka o xibhata ié bhu ditabela, u zuate o fuma ié ni unénene ua ungana ué.

Jisálamu 45:3 Iomraidhean Croise

Jobe 1:16

Kioso iú kia mu zuela hanji, kueza mukuá, uixi: Túbhia tua Nzambi, tua tuluka mu diulu, tu tuoha jimbudi ni abhika oso katé kia buila, eme-muène ngó nga subhuka-ku phala ku ku tudila o njimbu.

Jisálamu 104:1

Tanesa, Jihova, muẋima uami, Jihova, Nzambi iami, eie ua di jingisa kiavulu; ua zuata ujitu ni ungana.

Jisálamu 145:12

Phala kufumanesa muaʼaxaxi ka anʼa athu o madiuanu mé ma uzonda, ni kuijidisa o fuma ni kuuabha kua utuminu ué.

Jisálamu 145:5

Hinu ungana ué ngi u tanga o fuma, ni ikalakalu ié ia madiuanu.

Jisálamu 21:5

Fuma iê iavulu mukonda eie ua mu bhulula; eie ua mu te dibete dia ujitu ni ungana.

Jisálamu 21:7

Kuma muenexi ua dielela kua Jihova; o jihenda ja Suke-ku ja mu bhake kididi, ka tena ku mu lundumuna.

Jisálamu 96:6

Ni ujitu ni ungana a mu kala bhu pholo iê; ni nguzu ni kuuabha kuala mu kididi kiê kiangene.

Mukumbi ua Mikumbi 2:3

Mukuá ni muxi ua masá mu kaẋi ka mixi ia ditutu, kiene ue kazola kami mu kaẋi ka minzangala ia mala; kizúzumbia kié ngi kinda kiavulu, mu kilembeketa kié muene mu ngi xikama; o kibundu kié mu kanu diami ku ngi toualela kuahi!

Mukumbi ua Mikumbi 5:13

Tu matama tuê kala kakisengu ka balasamu ia dizumba, mua mu sabhuka tu isasa tua iangu ia dizumba. O mizumbu iê ia di bhange kala itulu ia jihonga! izunzumuka uasu ua sumuna ia beta kuta kiavulu.

Izaía 49:2

Dikanu diami ua di kitula xibhata iatu, ua ngi vungina ni kivule kia lukuaku luê; ua ngi bhange ngi ditoma dia seke kiambote; iu ua ngi sueka mu kizu kiê.

Jipoxolo 10:36

Enu muejiia kuma muene ua tumikisa maka ku ana a Izalaiele, o Njimbu Iambote ia paze ia kolele Jezú Kristu, muène Ngana ia mundu uoso.

Loma 14:9

Mukonda kiene kia bhangesele Kristu kufua ni kuphaphumuka, phala a kale Ngana ia athu afu ni athu a muenhu.

Jihebeleu 1:3

O Mona, muène o kimuikinu kia kubenha kua Nzambi, muène ue kilomboluelu kia kidifua kiê, muène u kuatesa o ima ioso mu ngongo, ni kizuelu kia nguzu iê. O kia zubha kuzelesa athu ku ituxi iâ, iú ua xikama ku diulu, ku lukuaku lua kudia, lua Nzambi Tata Uatena ioso.

Jihebeleu 4:12

Kuma o kizuelu kia Nzambi kima kia muenhu, ki ala ni kutena. Kia beta kutua o xibhata ia mazu a iadi ndenge. O kubatula kuê, ki sesa ni muenhu, ni nzumbi, ni masokuelu, ni uongo ua ifuba. Ki tungula ni jivondadi, ni mabanzelu ma miẋima ia athu.

Jihebeleu 8:1

Kiki-phe, o ima i tua kuata kuzuela, o diba diê dia kate-ku dienʼidi: Tuala ni Nganga ia Dikota iú, ua xikama ku madilu bhu kiandu kia Ungana-ua-diulu, kia Nzambi-Muteni-a-Ioso.

Juda 1:25

muène Nzambi imoxi ngó, Mubhuludi uetu a mu bhele fuma kua Jezú Kristu Ngana ietu, ni kujînga, ni kutumina, ni kusuina, tundé kuema dia kukala, ni kiki, katé ni ku hádia ni hádia.

Dijingunuinu 1:16

Bhu lúkuaku luê lua dilu ua kuata sambuadi dia théthembua, o mu dikanu diê mu fomoka xibhata iatu, ia mazu aiadi. O pholo iê i benha mukuâ ni dikumbi ki di kala mu nguzu iê ia kumuika mu mediia.

Dijingunuinu 19:15

Mu kanu diê anga mu fuomoka xibhata iatu, iene ia tolola na-iu akua jixi. Muène u a tumina ni mbasá ia felu. Muène u titidila mu ditangi dia kukamena o vinhu ia njinda iatemanana ia Nzambi, Kutènde.

Dijingunuinu 19:21

Amukuá oso, a a jibha ni xibhata ia mu fuomoka mu kanu dia ió ua mondala o kabalu kazela. O jinjila joso anga ji dia, hé jʼikuta ni xitu iâ.

Afundixi 3:16

Ehudi anga u iudika xibhata iê ia mazu aiadi, kulebha kuê kóvadu, anga u i maneka moxi dia kizuatu kiê, ku ditabela dia mbandu ia kúdia.