Jisálamu 45:2 - O Mikanda Ikola

² Eie kuuabha kué kuengi, kua anʼa mala mu ngongo ndenge; eie o kusangumuka kua ku tunga kiá ku mizumbu; Nzambi kiene kia ku tunguila ni dibesá di nangenena.

Jisálamu 45:2 Iomraidhean Croise

Jisálamu 21:6

Mbata eie ua mu bhana kuzediua kunangenena; ua mu vudixila ngalasa iê mu kukala bhu pholo ié.

Jisabhu 22:11

Uoso u uabhela kuzela muẋima, anga u kala ni kuzuela kua kilendu, katé ni sobha muene u kala kamba diê.

Jisabhu 5:2

Nda u kaiele kioso ki ngala ku ku dimuna; o mizumbu ié i lunde o kuijiia.

Mukumbi ua Mikumbi 2:3

Mukuá ni muxi ua masá mu kaẋi ka mixi ia ditutu, kiene ue kazola kami mu kaẋi ka minzangala ia mala; kizúzumbia kié ngi kinda kiavulu, mu kilembeketa kié muene mu ngi xikama; o kibundu kié mu kanu diami ku ngi toualela kuahi!

Izaía 33:17

Eie o mesuʼé a kà mona Muenexi mu uuabhelu uê, a kà kengelela ue oxi ia di zale ku makanga.

Izaía 50:4

Jihova Nzambi ua ngi bhana dimi dia uanji, phala uoso ua bhuila ngʼijiie ku mu tela tumaka tua mbote tu mu nhohesa bhu thembu ia tokala; muene mukua ku ngi phaphumuna imene ioso, uphaphumuna dítui diami ni dʼivue, kala ki kala a-di-longi.

Izaía 61:1

Nzumbi ia Ngana Nzambi ua ngi tula ku thandu; mukonda o Ngana ua ngʼundu kutudila jingadiama njimbu ia mbote; ua ngi tumu kusaka oso ala ni kikote mu muẋima; ni kuxika ngonge ia ufolo ua abhika, ni kujikula o jikaleia phala kujituna oso a a kuika.

Zakadiia 9:17

Mukonda muene o jihenda jê jivula! O kuiuka kuê kuahi ngó! Minzangala ia mala ia ka tambula nguzu mukonda dia tiluku, o anʼa ilumba mukonda dia vinhu ia uisu.

Matesu 17:2

Kuenhoko muène anga u kituluka bhu pholo iâ. O pholo iê i di muika kala dikumbi, izuatu iê i zela kala muanha,

Luka 4:22

Ene oso anga a kala mu ku mu tumbula kiambote, a diuana maka ma uabha ma-la kutunda ku dikanu diê, exi: Manhi ki muenhú monʼa Zuze?

Nzuá 1:14

O Diambu anga u di bhanga xitu, anga u tunga mu ʼaxaxi ketu, uezala kiadi ni kidi. Etu anga tu mona o unène uê, unène kala ua Mona umoxièlele ua Nzambi.

Nzuá 7:46

Masoladi exi: Kiluua kukala muthu u zuela kala ió.

Jihebeleu 7:26

Mukonda dia kiki, Jezú muène o Nganga ia Dikota tua mu bhindamena. Muène u kôla. Muène ka moneka phulu, ka moneka ufusa. Ua di kalelela ku akua ituxi, iú ua zangalala ku thandu a maulu.